مساعدة في بولو سيدان 2001
السلام عليكم و رحمة الله و بركاته
يا جماعة انا محتاج مساعدة ضروري في أسرع وقت في السيارة البولو الكلاسيك موديل 2001 موتور 1400 سي سي
أنا أمامي السيارة دي و مطلوب فيها 40000 رشة برة .. فبريكا دواخل .. أنا شفتها امبارح كان شكلها نظيف اوي بس في حاجتين قلقوني و محتاج نصيحة .. صوت الموتور كان عالي شوية فمش عارف دة طبيعي في البولو و لا ايه ؟ و تاني حاجة لما رفعت فرش الشنطة من لاقيت في لحام بالعرض سألت صاحب السيارة قالي دة لحام الفبريكة !!!
مش عارف بقة الكلام دة حقيقي و لا لأ ؟
و ياريت تفيدوني بمميزات العربية عموما و عيوبها يعني هي عربية قوية قطع غيارها متوفرة صاينتها أخبارها ايه ؟
و لكم جزيل الشكر
|