رد: استشارة فى سمكرة البارومة
عمونا ادماير ظبطك اهوه يابوحميد :D
وانا هقولك بالبلدى اكتر اوفر واسرع طريقة لازالة البوية لاى صنايعى هى الباشبورى خاصة واحنا بنتكلم عن عربيه واخدة معجون كتير مش بوية فابريكا .. الطرق باستخدام سوائل كلها ظريفة لو بوية فابريكا لكن بوية بالشكل ده علشان تعالجها بسوائل تكاليف وعكعكة وحوار وقت بالنسبة للى بيعملها فغالباً هينجز بالباشبورى وسكينة المعجون اسرع
وبالنسبة لتاثير الحرارة اللى انا مش متاكد من مدى فاعليته على الصاج بس هى كدة كدة هتدق على السخن فكدة كدة هتتعرض للباشبورى
فكرة استخدام مواد فايبر واكريليك لملىء الفراغات واعادة تشكيل الاسطح فعالة بس مش سهلة برضو بمعنى انها هتحتاج خدمة وفينيش زى لحام الصاج وترقيعة وفى الاخر هيبقى فيه جزء من العربية فايبر .. يعنى ممكن تكون مقبولة شوية لو بقع صداء صغيرة لكن مساحة كبيرة تبقى فايبر مش مستحبة
وتم تثبيت الموضوع لقيمة مشاركات زميلنا ادماير بجد تسلم ايدك
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|