[محمدصلاح القاضى]

504
عربيه من اجمل العربيات فى مصر
وانا بحبها جدااا لحب والدى ليها
انا افتكر انى كنت فى السعوديه مع والدى وكان عندنا عربيه 504 استيشن
موديل حاجه و80 وبسم الله ماشاء الله ماشوفتش فى مصر لحد دلوقتى واحده زيها
كانت مكيفه وكامله (خليجى )
واى حد بيتكلم عن العربيه دى نص كلمه مش مظبوطه
اقوله اننا نزلنا من السعوديه بر بالعربيه دى مرتين
يعنى اربع مرات ذهاب وعوده
وبسم الله ماشاء كانت ثابته ثبات الوحوش وكان والدى ساعات كتير كان بيمشى بيها 140-150
لان الطريق مفتوح وكانت ولا الهوا
ومقدرش اوصف لك كم العربيات اللى كان عطلان على الطريق من صعوبة المشوار لكن العربيه دى كانت أسد فعلا
ووالدى ركب فى حياته اربع عربيات بيجو 504
وكان كلهم وموديل السنه او بعد سنه
وديما بيشكر فى البيجو وبيقول انها عربيات بتاعت شغل مش بتاعت فسح