هو مش حضرتك قولت ان المشكله اتحلت زى ما كاتب فى المشاركه دى
المشاركة الأصلية كتبت بواسطة WALEED MOH.
السلام عليكم يا أحلى شباب. أنا لسه جاى دلوقتى من توكيل القطاميه بصراحه الناس كلها تمام التمام ومحترميين جدآ وأحب اشكرهم كلهم بالأسم بداية من المهندس مصطفى أللى طلع عينه أنهارده معايا ومدى اهتمامه بالشكوى بتاعتى على فكره م/ مصطفى طلع ملوش فى النت أو مش مهتم أنا قولتلو لازم يدخل على المنتدى والجروب بتاعنا على الفيس بوك علشان يشوف أراء الناس وأشكر كمان الأسطى الصنايعى أعتقد أسمه سامح هوه دايمآ حاتط هيد فون فى ودنه أللى أشتغل فى العربيه هوه كمان طلع عينه مع العربيه بس هوه لوكعى شويتيين ورما عليا كتير علشان أطلع أكراميه بس بصراحه أنا مكونتش حاتط فى دماغى موضوع الأكراميات ده وأشكر الأنسه داليا فرج على أهتمامها الشديد و أشكر كمان المهندس العقيد محمد رمضان بصراحه هوه مكانشى متابع معايا أنهارده بس انا دخلتله المكتب وشكرته هوه راجل محترم جدآ وأبن بلد تمام. المهم بقى العربيه أتغيرلها فلتر بنزين وكمان المهندس مصطفى قالى زيت الفتيس زياده وهوه أللى كاتم الفتيس وفتحوا طبة الفتيس ونقصوه شويه بس عندى أحساس انه شالوا منه كتير بعد كده أنا كنت بشتكى انهم فى صيانة الألف كيلوا لظروف غامضه ومش فاهمها غسلولى الريداتير والقربه بتاعته وحاطوا ميييييييييييييييييييياه حنفيه طبعا ظهر صدأ فى الريداتير وقولتلهم يغيروا المياه قالولى الجيركن ب 20 جنيه ماشى مفيش مشاكل سألت سامح الميكانيكى على باقية الجيركن قالى أنا دخلتهولك فى الضمان ومدفعتش أى حاجه . نيجى لأداء العربيه بعد مخرجت من التوكيل بصراحه هيا جابت ال 120 كم بس على أر بى أم 3.2 يعنى 3200 لفه على الدقيه مش عارف كده كويس ولا لاء المهم جابت ال 120 كم الحمد لله. أللى عاوز أسال عليه هوه الزيت بتاع الفتيس أللى نقصوه كده الدنيا هيبقى شكلها أيه بعد كده فى الفتيس ؟ ربنا يستر. وأخيرآ أشكر كل من هوه بيعمل بتوكيل البى واى دى القطميه. و أن ساء الله هبقى أوافيكم بأستهلاك البنزين بس كمان يومين علشان أقدر أحسبها.
|