[حسام البورسعيدى]

المشاركة الأصلية كتبت بواسطة خالدخليفة صباح الفل ياعم حسام وضب الشاى التقيل ابو 3 معالق شاى وزيهم سكر والبورسعيدية هم أبو الجرأة وعمتها وخالتها كمان ده احنا كنا عندكو مرة كنا هنموت بسبب اننا قلنا ان المصرى عمره مهياخد الدورى لو اتنطط وكان ايامها مسعد نور واينو الكبير (ابو معتز اينو ) وحمادة المصرى وجمال جودة وجمال الجندى وقاسم بور وبرزاكرى وابو الدهب وغيرهم وجيل مش هيتكرر فى تاريخ المصرى صحيح دى شجاعة منى انى اقول الكلمتين دول فى بورسعيد لكن حبيبك كان هيترمى للسمك فى القناة ساعتها هههههههههههه فين الشاى ياعم انت

ولا حد يقدر يرميك يا كبير وانا موجود .. دا انا حسام البورسعيدى والاجر على الله هههههههههههههههه

والله البورسعيدية طيبين وجدعان وفيهم العرق بتاع الصعايدة ده برضو ..

بس عيبهم انهم (هجاصين) حبتين .. ابو العربى يعنى وكده ههههههههههه

بس لما تعاشرهم تلاقيهم قلوبهم زى اللبن الحليب ..

دا يا عمنا لو واحد بعربية غريب وسال واحد ماشى على طريق مكان معين .. يقعد نص ساعة يوصفهوله ويبقى هاين عليه يركب معاه لغايه هناك (منها يدله ومنها توصيله برضو) ههههههههههههههه

وشوف المصرى كان زمان فريق فاشل بس البورسعيدية عمرهم ما تخلو عنه .. وكل ماتش تلاقيهم بيتخانقوا على التذاكر ويروحوا الماتش ويخسر .. ويبقو عارفين انه هيخسر بس ميتخلاش عن فريقه .. كأننا رايحين نحارب هههههههههههههه


وكان ماسك النادى المصرى واحد اسمه السيد متولى كان راجل محترم فعلا .. ولما مات الناس بقيت ماشية تعيط والجنازة بتاعته كانت ولا جنازة زعيم شعبى .. والناس زعلت عليه فعلا لانه كان مخلص للنادى المصرى وللبلد ...


ودلوقتى المصرى بعد ما مسك ادارته كامل ابو على اتحسن جامد وفى زمن قياسى .. واهو دلوقتى التالت على الدورى المصرى ..





يااااااااه

ايه بس اللى جاب سيرة الكورة ع الصبح كده ...

ينفع كده يا عم خالد نسيتنى اطلبلك الشاى المتين ..

وعندك كوبايه شاى مخصوصة لعم خالد باشا وصلحووو ..


صباحك حلاوة بالقشطة يا عمنا ......