المشاركة الأصلية كتبت بواسطة demonarundo
معلش اعذرنى بس انا مش فاهم اى حاجة من اللى حضرتك كتبته
بالنسبة لموضوع العزم والسرعة فهناك قانون يقول : القدرة = العزم x السرعة الدورانية
بمعنى ان الباور اللى بيطلع من العربية بيتحول لعزم وسرعة , كلما زاد العزم قلت السرعة , وكلما زادت السرعة قل العزم
يعنى مثلا وانت على النقلة الاولى العربية بتدى اكثر عزم وأقل سرعة , وبالمثل وانت على النقلة الخامسة بتدى اعلى سرعة وأقل عزم
بالنسبة بقى انك لو مشيت بسرعة حتاخد وقت أقصر وبالتالى حتقلل الاستهلاك , الكلام ده نصه صحيح
لأن بعد مابتعدى سرعة 90 كم/س معدل الطاقة المهدورة فى مقاومة الهواء بيتضاعف , وبالتالى استهلاك البنزين بيزيد جامد
لو عايز تستهلك أقل بنزين فى مشوار , امشى على أول سرعة لآخر نقلة
بمعنى لو الطبيعى بتنقل من الرابع للخامس عند 2000 أر بى أم بيكون عند سرعة 80 مثلا
يبقى أقل استهلاك للبنزين لأى مشوار لما تمشى على الغيار الخامس على سرعة 80 كم/س
|
كلامك صح هنا انا حليت العزم محل السرعة لكن بقيت الكلام زى ما هو
اللى عاوز اوضحه ببساطة ان كفائة نظام الحرق نفسها هتتحسن مع زيادة الهواء الداخل لعملية الحرق و معناه ان استفادتك من البنزين اللى بتستهلكه هتزيد فى نفس الوقت زمن رحلتك هيقل
لما القدرة الاجمالية بتاعتك هتزيد بالطبيعى هيزيد العزم و السرعة لو قدرتك زادت بقت 100 مثلا فده معناه ان حاصل ضرب السرعة فى العزم هيكون 100 و مش شرط انه يكون توزيع ال 100 دول 20 للسرعة و 5 للعزم او 50 للسرعة و 2 للعزم او اى حسبه تانية
لازم هتحصل زيادة للأتنين لكن مش بنفس المقدار و علبة التروس هيا اللى هتتحكم فى التوزيعه دية
مقاومة الهواء مش شرط تزيد عند 90 مفيش قانون بيقول ده الموضوع يرجع لتصميم جسم العربية و الايروديمناك بتاعتها و دية ممكن يتعمل فيها حاجات كتير جدا تعيد توزيع المقاومة او تستفيد منها
اللى اقصده و ملخص كل اللى عاوز اقوله استفادتك من البنزين هتزيد لكن طبعا هتحرق بنزين اكتر