[demonarundo]

المشاركة الأصلية كتبت بواسطة ramy safwt مظبوط كلامك يا ريس مفيش طاقة ببلاش فمع زيادة العزم يزيد استهلاك البنزين بس العزم طبيعى لو فى الجرى هيزود معاك السرعة و مع زيادة السرعة هيقل معاك وقت الرحلة اللى كنت بتقطعه فى ساعة تقتطعه نصها " بتكلم عن طرق غير بتاعة مصر " يعنى ببساطة العزم الزائد يتناسب طرديا مع البنزين المستهلك و يتناسب عكسى مع زمن الرحلة زمن الرحلة بقى يتناسب طردى مع استخدام البنزين " كل ما مشيت كل ما تستهلك " كفائة حرق البنزين المستخدم هى معدل ثابت بعد اجراء كل التعديلات بالنسبة لأستخدام البنزين معناه ان زمن الرحلة يتناسب طردى مع البنزين المفقود و المهدر معناه ان زيادة العزم هتزيد استهلاك البنزين لكن هتقلل زمن الرحلة و كمية البنزين المفقود نتيجة انخفاض معدل الكفائة

معلش اعذرنى بس انا مش فاهم اى حاجة من اللى حضرتك كتبته
بالنسبة لموضوع العزم والسرعة فهناك قانون يقول : القدرة = العزم x السرعة الدورانية
بمعنى ان الباور اللى بيطلع من العربية بيتحول لعزم وسرعة , كلما زاد العزم قلت السرعة , وكلما زادت السرعة قل العزم
يعنى مثلا وانت على النقلة الاولى العربية بتدى اكثر عزم وأقل سرعة , وبالمثل وانت على النقلة الخامسة بتدى اعلى سرعة وأقل عزم

بالنسبة بقى انك لو مشيت بسرعة حتاخد وقت أقصر وبالتالى حتقلل الاستهلاك , الكلام ده نصه صحيح
لأن بعد مابتعدى سرعة 90 كم/س معدل الطاقة المهدورة فى مقاومة الهواء بيتضاعف , وبالتالى استهلاك البنزين بيزيد جامد
لو عايز تستهلك أقل بنزين فى مشوار , امشى على أول سرعة لآخر نقلة
بمعنى لو الطبيعى بتنقل من الرابع للخامس عند 2000 أر بى أم بيكون عند سرعة 80 مثلا
يبقى أقل استهلاك للبنزين لأى مشوار لما تمشى على الغيار الخامس على سرعة 80 كم/س