[ابوشروق]

كان معايا فيات 1100 وكنت عند والدى الله يرحمه فى مستشفى الدمرداش كان مريض ومحجوز فيها وكانت أختى الصغيره عنده وبعدين روحت شقتى كانت على الدائرى فى مسطرد ولسه داخل البيت لقيت الموبيل بيرن أختك عربيه خبطتها وهى فى المستشفى نفسها الى فيها والدى وكانت الساعه 11 مساء فى عز الشتاء أقسم بالله أخذت طريق مسطرد السواح حدائق القبه عباسيه دمرداش فى 15دقيقه العطل فين أول دوست فرامل وانا خارج من عندى بالمنزل مفيش البدال فى الدواسه ربنا سترها معى ووصلت بالسلامه واول مره من يوم مشتريت أسبيدر وانا أعرف انها بتجرى الجرى ده على فكرة من يوميها وانا سمتها أسبيدر المهم أطمنت على أختى وقالولى هتروح معاك أخذتها جلست فى السياره هى وزوجتى وقلعت يا معلم فى عز الثلج ودور على السبب خرطوم الفرامل فى العجله الشمال الاماميه أتخرم وفضى الزيت كله ألى موصل للخرطوم ماسورة رفيعه فكتهم من بعض وطبقت الماسورة لغيتها خالص وروحت البنزينه جبت علبة زيت وملية الخزنة ومشيت بفرامل ثلاث عجلات فقط رضا قعدت سنه على كده
أسف طولت عليكم