عرض مشاركة واحدة
  #1  
قديم 22-04-2010, 02:49 AM
ROMEOOO ROMEOOO غير متواجد حالياً
 
تاريخ التسجيل: Jan 2010
المشاركات: 83
ROMEOOO is a name known to allROMEOOO is a name known to allROMEOOO is a name known to allROMEOOO is a name known to allROMEOOO is a name known to allROMEOOO is a name known to all
الهمر غرزت فالساحل الشمالي

أنا صدمت صدمة في صيف سنة 2007 في شهر أغسطس في قرية فينوس الكيلو 49.5 في الساحل الشمالي بعد استراحة الرئاسة والدي عنده شاليه في القرية ديه وبرده جدي المهم أنا عندي بيتش باجي 500cc امريكاني بطلع ببيه على الشط كل يوم المهم إذ فجاة شفت همر h3 سودة غرزة لنصها في الرملة وناس ملمومين عليها و بيصورو العربية أنا صورتها بس للأسف الصورة ضاعت لما غيرت سوفت وير الموبيل المهم قعدت 12 ساعة غرزة محدش عارف يطلعها كانت بتاع إبن واحد من الملاك اسمه مجدي علام ابن حسن علام صاحب الشركة الهندسية المهم الولد كان شارب بالليل و جه في باله إنه يطلع بيها على الشط وده ممنوع ممنوع عربية تدخل الشط الرملة طلع بيها السلالم واعد يجري بيها ويعمل دريفت وغرزت في رملة الشط الممهدة أنا اتخضيت مصدقتش قلت لو عربية نيسان اكستريل ماشي لكن دي همر اللي الناس زيطا بيها في الآخر طلعوها بـ 1000 جنيه والعرب جابه عربية جيب لاندكروزر موديل 1995 وطلعت زي الاسد شدت الهمر طلعتها من الغرزة العربية طلعت متبهدلة وكل الكروم اللي فيها لونه بقى بني من الاملاح فنزلت مصر عشان تتصلح وكان الابن متضايق إنه مش حيسوقها فترة فـلقيته جايب شيروكي موديل السنة يمشي حاله بيها وده كان عقاب ليه تقريبا

وبعدها دخلت على النت اكتشفت إن برة بيقولوا ان الهمر h3 هي وصمة عار على همر وبوظت سمعتها وياجماعة العربية مش شكل بس ومش شرط إن عشان ماركة جامدة تنجح في كل الموديلات وهمر نجحت في عربيات الجيش وخاصتا النسخة h1 وجميع أنواع humvee التابعة لهمر اللي تقدر تطلع على الحائط




إحنا كعرب عموما بنهتم بـالمنظر أكتر مثل السيراتو في مصر والهمر مع إن رانج روفر أحسن من الهمر من حيث السيارات المدنية مش الجيش وياريت نفرق في الموضوع ده عشان فيه فرق مابينهم وديه حقيقة


لكم جزيل الشكر وفائق الاحترام


التعديل الأخير تم بواسطة ROMEOOO ; 22-04-2010 الساعة 03:24 AM
رد مع اقتباس