[AbOnOrA]

الحمد لله اسلام ابنى انهارده اخدتوه معايا اول مرة لصلاه الجمعة اسلام سنه سنتين ونص اتوضاء ولبس وحط برفان كمان ونزل معايا للصلاة قلع الشبب وقعد سمع الخطبه ورفع ايده بالدعاء وقام كبر وركع وسجد لله رب العالمين ربنا يتقبل منا جميعاً يا رب

انصح كل الاباء ونفسى عودو ولادكم على الصلاة وخدوهم معاكو فى صلاة الجمعة الموضوع ممكن يكون مربك شويه وخاصة اذا كان ابنك شقى بس تستاهل المحاولة مرة والتانية



عرف ابنك من قبلها انك هتاخدة معاك علشان تصلى وحمسه
عودة انه يتوضاء ويلبس كويس ويحط برفان ويسرح شعره


خلى ابنك جمبك وانت بتصلى مثلا خليك فى اخر الصف شمال وهو على شمالك او يمين وهو على يمينك كيفما اتفق



كافئه بعد الصلاة بلعبه او اكله بيحبها وقولة انت شاطر علشان صليت مع بابا واذكر الموضوع اكثر من مرة مع مامته واخواته الكبار وخليهم يحتفلو بيه لانه شاطر وبيصلى

ptmnlo123per112

يعنى ديه شويه نصائح انا عملتها وياريت كل واحد يقولنا تجربته فى تعليم اولاده الصلاة ويوصفلنا احساسه فى اول مرة اخد ابنه معاه الصلاة