رد: هل توافق على الغاء الجمارك على السيارات
بدون تردد الإجابة طبعا اوافق
لكن اللى معاهم عربيات قديمة هيتضرروا طيب تتحل ازاى
بسيطة الموضوع ييجى بالتدريج زى ما بيعملوا فى التاكسى القديم برضه الحكومة تتدعم ملاك السيارات القديمة يعنى الحكومة تشيل شوية فى الليلة طيب ازاى
العربية مثلا اللى قيمتها 60.000 هتبقى ب 20 الف يعنى فى خسارة 40 الف تقوم الحكومة تشتريها من صاحبها ب 40 الف يبقى هو خسر 20 الف فقط مش 40
لكن موضوع رفع الجمارك الحكومة بتنظر ليه برؤيه اخرى يعنى المسئول الحكومى شايف اننا لو رفعنا الجمارك العربيات هتزيد والزحمة هتزيد والمرور هيتعطل اكتر ما هو عطلان
لكن كلام زى ده مردود عليه ليه ؟ لأن دولة زى المانيا فيها تقريبا شبكة طرق بطول اللى موجودة فى مصر لكن فيها عربيات اكثر بكتييييير وبالأرقام عدد السيارات على الكيلو الواحد حوالى 62 سيارة لكن فى المصر النسبة اقل من كده بكتيييير ايه المشكلة ؟ المشكلة ان كل السيارات بتركن فى الشارع فده اللى بيعمل الزحمة ويعطل المرور
__________________
د / محمد
إن الله لا يصلح عمل المفسدين
|