رد: حكايتى مع السيارات-حكايه 10 سنوات
-4-
فى اليوم التالى ذهبنا وانا على حافه اليأس
لرؤيه السياره ال131 آملا ان تكون النهايه 00 ذهبت وصديقى قابلنا الرجل وكان بشوشا جدا مرحبا بنا جدا جدا00وأيت السياره كانت جميله ومجدده كما قال وعندما ركبناها قال صديقى انها زيرو!
الحمد لله اننى لم آخذ معى صديقى الفقر الذى ليس له حل!
اتفقت مع الرجل على السعر الذى كان مناسب جدا 00
اخيرا غدا سوف اشتريها وامتلك اول سياره فى حياتى00
وعندما عدت 00قابلت صاحبنا ولم اخبره 00اردت الانتظار حتى تتم البيعه00ففوجئت به يقول:
-رحت المشوار من غير ما تقولى
-مشوار ايه ؟
-بتاع العربيه ال131
-وانت مين قالك؟
- سألت عنك والحاجه قالتلى انك سافرت
-مرضتش اعطلك
-ياسيدى 00هيه اول مره
تعبك راحه00واخبارها ايه؟
-كويسه
وقلت له بعض التفاصيل00فقال:
-السعر ده شويه على حد علمى
-ماهو الراجل عنده ظروف ومسافر
عايز يبيع باى تمن 00زنقه سفر
-طب سألت على العربيه
-هوه انا ح اتجوزها00 اشفها مستقيمه ولا ماشيه على حل شعرها
-مش القصد00ورقها سليم 00اسأل فى المرور
-تفتكر كده؟
-طبعا 00
-هيه مرور ايه؟
-الزقازيق
-بكره قبل ما نروح نشتريها00نسأل فى المرور انا ليه واحد قريبى هناك
وذهبنا فى صباح اليوم التالى وقابلنا قريبع الذى رحب بنا وكان رجلا لطيفا جدا بشوشا
اعطيته رقم العربيه الذى حفظته عن ظهر قلب00فهى من الامس اعتبرتها سيارتى
جاء الرجل وفى يده ورقه صغيره بها معلومات عن السياره وهو يقول:
-دوسيه ميه ميه
اخذت الورقه وعدنا لكنى لاحظت ان لون السياره المكتوب مختلف00قلت لصديقى فقالك-عادى ممكن يكون مغير لونها
ولم اكن ولم يكن يعرف ان هذا يثبت بالرخصه
المهم ذهبنا نحن الثلاثه للانتهاء من اتمام الشراء ومعى معلومه التأكد من رقم الشاسيه والموتور
وبعد ان رفعنا غطاع المحرك تعلقت عينى بالرقم المختلف تماما00فملت على صديقى00فاخذنى بعيدا وقالك
-انت متأكد من الارقام دى؟
-انا جايبها من المرور
-يبقى العربيه دى مضروبه00
بينا نخلع
واعتذرنا للرجل ورهوان
وهكذا فلت من اول واقعه نصب كانت ستضيع نقودى وحلمى الذى طال
وطبعا صاحبى البركه هذه المره كان بركتين
تتبع
__________________
|