في البداية احب اقول ان فعلا كلام محمد جاد صحيح فيه تغيير في المركز للاحسن
والناس هناك بتحاول تطور من نفسها للاحسن وبيحاولوا تلافي كل الشكاوي او التعليقات التي تصدر عن ملاك السيارة
اتصلت يوم الاثنين بالاستاذة داليا و طلبت منها تحجزلي معاد الصيانة الثلاثاء او الاربعاء ايهما اقل ضغطا في المركز وتم الحجز يوم الثلاثاء الساعة 9 ولكني لم استطيع الذهاب في الموعد وكنت انتوي ان اتصل بالاستاذة داليا للاعتذار وتغيير الموعد ولكنها اتصلت بي مشكورة قبل ان اقوم بذلك فاعتذرت عن عدم حضوري وطلبت منها تغيير الموعد وتم تحديد يوم الاربعاء الساعة التاسعة
يوم الاربعاء وصلت المركز الساعة 9و15 دقيقة بالظبط ، دخلت و المهندس (واحد معرفش اسمه لا زال يتعامل مع العملاء علي انه الفاهم الدارس الواعي وانت كصاحب سيارة وتقودها ولكنك جاهل بها ولا تعلم عنها شيء وان الي هو شايفه هو الصح اما ماتقوله فهو تهيئات لا تنتمي الي الواقع بشيء وان هو لايجب ان يتعب قلمه بكتابة ما تقول من شكوي ) وعندما اصريت وقلتوله من فضلك اكتب ما اقول انفعل واخذ يتمتم وتركني وغادر السيارة والمكان كله وقالي وهو بيشوح ومديني ظهره هاجبلك المهندس احمد يشوف ايه الحكاية ولما سألأه احد العاملين انت خلصت السيارة ديه علي سيارتي يقصد قاله لا ده لسه قدامه ساعة علي ميخلص ده جايب لسته طويلة عريضة(ملحوظة انا متعود اكتب ما يحدث معي في ورقة عشان منساش حاجة اثناء الصيانة )فقمت بلاتصال بالاستاذة داليا وشرحتلها ما حدث فقامت بالنزول الي مكان انتظار السيارات وطلبت من م/احمد ان يكمل امر الشغل وقام مشكورا ولاول مرة في تاريخ المركز بمراجعة ما ذكرته وتجربته معي وكتب كل ما قلته بلا تغيير او حذف وقالي لا تغادر حتي اسلمك السيارة بنفسي .
و كانت طلباتي اللي إتكتبت في أمر الشغل كالتالي :
1-صيانة 20000 كم
2-وجود تزييق وخبط من خلف لوحة العدادات
3-تعليق في المرشدير احيانا
4-العربية مخنوقة مع التكييف
5-فتحة التكييف الخاصة بالسائق غير ثابتة
6-زيت الفرامل ناقص
7-الدواسات الخاصة بالبنزين والدبرياج خشنين وتقال بعض الشيء
8- تغيير فلتر الهواء والتكييف والبنزين
9-تركيب كشاف الشبورة الخلفي بدلا من العاكس (ده اتلغي وهشرحلكم السبب بس اصر شوية منك له)
العربية دخلت المركز الساعة 10 بالظبط
وصعدت الي الاستراحة فقابلت استاذ محمد رمضان الي رحب بيا جدا مشكورا ولاقيته عارف بمجيئي وبعد تبادل السلامات ووالتحيات وتبادل النقاش حول نور الشبورة والذراع وانهم موجودين بالتوكيل وبسعر كويس
وطلبت منه احضار نوع كويس من السوست الخلفية لان السوست الخلفية عندل طريت بعد تغيرها بـ6 شهور تقريبا واني انوي تغيرها بهوندا او مرسيدس فقالي انهم احضرو نوع اخر غير الذي كان موجود
ثم حضرت استاذة داليا وطلبت مني النزول للمهندس صبحي ونزلت معايا وكلمته وطلب مني الانتظار ساعة ونص وهتكون العربية خلصت
على الساعة 10و35 دقيقة طلب مني احد العاملين النزول للورشة عشان فيه حاجة عاوزيني فيها فوجدت احد العاملين بيقولي انت مكب الزجاج ده برة وقلتله حصل ايه المشكلة قالي هو السبب في الصوت الي بتسمعه اعترضت علي ذلك وقلتله الزجاج راكب من اكتر من سلة وانا ابتديت اشتكي من الصوت من حوالي 5 شهور فقط وبلغت عنه في صيانة ال15 الف وعملوه بس رجع تاني بعد شوية يبقي ايه دخل الزجاج في الموضوع فطلب مني المهندس احمد ان اركب معه هو والفني ونجرب وخرجنا والفني سند الزجاج بايده وفعلا الصوت اختفي فانا رديت وقوت شوفه ايه بيحك في الزجاج لان مش معقولة الزجاج هو الي ريح
فكان رد المهندس احمد الي هنقدر عليه هنعمله وفعلا جاب فني من الهياكل وشرحله المشكلة والفني شاورلة علي المنطقة الي فيها رقم الشاسيه بس مسمعتش قالو ايه فابلغني المهندس احمد ان انتظر
وان شاء الله خير.
بعد نص ساعة تقريبا حضر المهندس صبحي الي الاستراحة وراجع معاية الي مكتوب في امر الشغل وقالي كده تمام انزل بعد شوية استلم واذا وجدت اي شيء بالعربية اتصل بيا وتعالي نعملهالك وابلغتني استاذة داليا ان المهندس احمد هيجرب معايا كل حاجة وفعلا وجدته بانتظاري
انتظرو الجزء الثاني قريبا ان شاء الله
بالاضافة لموضوع منفصل عن الموديل الجديد للبي واي دي