[sam ram]

المشاركة الأصلية كتبت بواسطة khaled al sharif موضوع جميل ونقاش راقي ... وأذواق عاليا سواء للأستاذ إم إم فور أو ردود الأستاذ ليمووي وطبعا دخل في النقاش بهارات النقاش إللي بيخلي لكل نقاش طعم وريحة الاستاذ سام رام ولو إنه مخاصمني اليومين دول بس من ساعة ما نجح وهوتقلان علينا....

انا اقدر برضو يا استاذ شريف ... دا انا انبسطت جدا لما شوفت اسم حضرتك في الموضوع لأن بقالي فتره طويله مبشوفش مشاركات ليك

بس هو انا نجحت في ايه بالظبط علشان اتقل ... انا مخلص دراسه بقالي يجي بتاع 15 سنه تقريبا ..

المشاركة الأصلية كتبت بواسطة khaled al sharif 4- تنقل المصممين من شركة لأخري مثل بيتر شراير مصمم أودي الذي الذي صمم الكيا فورتي جعل المنافسة أكون أو لا أكون .... وأعتقد الفائز ها يكون للفكر الجديد والتصميم غير المكرر يعني مش مع سام رام إني إن لازم لما أبص لموديل تويوتا كورولا مثلا الأن ألمح خطوط تطويرها من عشر سنين عشان أنا من عشر سنين مكنش معايا ولا مهتم بتويوتا مثلا كنت مهتم بالإيطالي أو الأمريكي بالعكس أنا شايف التصميم المبتكر الخارجي والداخلي هو الفائز وأنا بيعجبنى في كيا إنها مبتقلدش حد وليها محاولات جاده للإبتكار والمنافسة وبصراحة المنافسة في صالح المستهلك .... بس خلاص

طيب يعني حضرتك عايز تقولي انك لما بتشوف عربيه مرسيدس أو بي ام .. مش بتعرفها ... حتى لو موديل جديد ..
مش قصدي ان التصميم يكون تطوير لنفس الشكل
قصدي تكون فيه خطوط عامه توضح و تأكد شخصيه الماركه
زي مثلا مثلا وش البي ام ....
الفوانيس الليد للاودي
شبكه المرسيدس
السي كلاس شكلها يختلف عن الاي كلاس .. لكن تشوفهم تعرف انهم مرسيدس
خطوط عامه ... تفاصيل مشتركه ... احساس
الايطالي عموما مشهور بانسيابيه و استمراريه ووضوح الخطوط الجانبيه بطول السياره
الفرنسي دايما خطوطه ناعمه ومتصله


تبني الشركه لاتجاه تصميمي موحد في جميع موديلاتها لنفس الفتره


لكن عربيه حاده و عربيه انسيابيه ...
عربيه خطوطها متصله و التانيه متقطعه والتالته متداخله والرابعه من غير خطوط من اصله !!!
البريوس ... خط متصل مائل بطول العربيه .. من الفانوس للفانوس

فيرسو ... اقواس تقطع استمراريه الخط الجانبي

ياريس .. خط منحني

كورولا ... مفيش خط من الاساس

افنسيس ... خط يبداء مع قوس الرفرف


مبقولش انهم عربيات وحشه .. بالعكس الافينسس جميله ...
لكن ..
فين شخصيه تويوتا في عربياتها ؟؟

مفيش !!!

واحنا بس اتكلمنا على الخط الجانبي ... نقيس بقى على كده الخطوط العامه .. الشبكه .. الفوانيس ... وش العربيه ...