استاذ صقر هتروح تنزل الزيت الى عندك
وهتشترى الاتى بالظبط
فلتر زيت = 15 جنية
جركن زيت التعاون البرتقالى= 60 جنية
علبة زيت شنبر = 15 جنية
فلوس الراجل اللى هيغيرلك الزيت ويركبلك الفلتر = 5-10 براحتك يعنى
حضرتك هتعمل الاتى هتشترى الفلتر من اى واحد بتاع قطع غيار فيات وبعد كدا تروح عند اى محل تغير زيوت وتقله الاول عاوز علبة زيت شنبر هتلاقيها علبه شبه الكانز كدا و عاوز جركن زيت التعاون البرتقالى
وياريت لو ملقتش عنده زيت الشنبر تروح تشتريها من اى محل تانى وترجعله علشان يحطهالك على غيار الزيت
المهم الراجل هينزل الزيت القديم ويرميه وجركن زيت التعاون حجمه 4 كيلو الراجل هيحط 3.5 كيلوا زيت التعاون وهيحط كل علبة زيت الشنبر ديه
وهيتبقى معاك نصف كيلوا زيت فى الجركن خليه معاك
علشان تبقى تزود بيه الزيت بعد كدا لما ينقص
المهم بعد ما تعمل الكلام ده كله هتلاقى الدخنه اللى بتطلع قلت جدااااااااا عن الاول وهتلاقى صوت الماتور بقى ناعم واهدى من الاول بكتير
وحكاية نقصان الزيت مش هتختفى خالص هتقل برضوا بس اقل من الاول خالص غير كدا النص كيلوا اللى هيفضل فى الجركن هتقدر تذود بيه لو الزيت نقص
وعلى فكره انا سبب اختيارى لزيت التعاون البرتقالى
انه زيت تقيل جداااا وبيبقى مريح الماتور جداااا
وبيهدى صوته ومعنى ان الصوت قل معناه ان الاحتكاك داخل الماتور قل
وغير كدا ان عربيت حضرتك مكنتها خفيفة فلو حطيت زيوت من الخفيفه مش هتستحمل خالص وهتلاقى الزيت بينقص جامد
ولكن زيت التعاون البرتقالى و علبة زيت الشنبر بيبقى لهم مع بعض مفعول السحر فى الماتور
وغير كدا زيت التعاون البرتقالى هتمشى عليه 2000
كيلو مستريح مش 1000 كيلو بس
العيب الوحيد اللى فى الموضوع انك لو حطيت زيت الشنبر مره فى الماتور لازم تحطه كل مره مع غيار الزيت
علشان الدخنه متزدتش
وعلى فكره طول ما انت بتحط زيت الشنبر مع كل غيار زيت لغاية ما ربنا يسهل وتظبط الماتور بتبقى مخلى الماتور من جوا ماسك نفسه على قد الامكان لان زيت الشنبر بيسد الخلوص والحاجات الى بتبقى مفتوحه بكفائة
ولما ربنا يكرمك وتظبط الماتور متحطش زيت الشنبر واشتغل عادى جدااااا بالزيت العادى فقط بدون زيت الشنبر
اخوك في الله سيد
شكرا ياسيد باشا وهعمل الا قولت عليه بالظبط بس في ميكانيكي قالي زيت الشنبر بيخلي العربيه الصبح مش بدور بسرعه لانه بيعمل زي كيس جو الموتور عايز بطاريه ومارش من حديد ارجو الافاده