بالصدفة وقعت قدامي عربية رينو 5 موديل 80 كوبيه 2 باب و المغري فيها انها ممكن تخلص علي 3000 - 3500 ج
ففكرت ليه ما اخدهاش و اضبطها علي مزاجي و اخليها حاجة روشة و استخدمها لما الغزالة تكون رايقة و عاوز اعيش مع دماغي بعيدا عن الاستخدام الاسري ،،،
المهم العربية كوبيه (2 باب) و لونها الحالي احمر (مش مهم ممكن نغيره براحتنا) و كنت بفكر اعدلها من بره زي التيربو الاستندر بتاعها و اقص السقف و اعملها كابورليه
و دي صور من النت للعربية بشكلها الاستندرد
ودي صور التربو منها (استاندر)
ودي الكابورليه بتاعتها
ودي صور لبعض العربيات المتعدلة بس طبعا انسي انها تتعمل كده في مصر
المهم انا كنت افكر امزج بين التعديلين (التربو و الكابورليه ) و اعمل عربية علي دماغي و تطلع حلوة زي ما في خيالي ،،، طبعا انا عارف ان رينو 5 مش هيه يعني العربية الواوووو ،،، بس انا شايف انها ممكن تبقي حلوة و خصوصا لو اتعملت صح و الميزة فيها ان سعرها اصلا حنين
فهل ممكن مساعدتكم بالصور و الافكار و كمان لو تعرفوا حد بيعمل قصة السقف المتحرك دي و بتتكلف كام
و ايه رايكم في الفكرة اصلا ؟؟؟