المشاركة الأصلية كتبت بواسطة AboNoRa
موضوع مفيد جداً وتقييم غاية فى الموضوعية تسلم ايدك وتم التثبيت للافادة وننتظر المزيد
|
شكرا جزيلا لثقتكم الغالية
و ان شاء الله الموضوع مفتوح للإستفسارات من جميع الأعضاء .... أتمنى إفادة الجميع قدر استطاعتي....
المشاركة الأصلية كتبت بواسطة ahmed_eng2001
مينا باشا ( عاشق اليابانى )
انت فين من زمان محدش شايفك ليه ؟؟ بعت عربيتك و لا لسه ؟؟
كلام و معلومات مفيدة جدا عن الشيروكى ....
بيعجبنى فى الشيروكى انها عربية ملمومة .... شكلها حلو .. ممكن تتركب جوة المدينة من غير مشاكل
عيبها الاساسى هو صغر و ضيق الكبينة الداخليو و خاصة الكنبة الخلفية !!!
اخبار اسعار قطع غيارها ايه ؟؟ انا اعرف ان فيها الغالى و الرخيص .... انا سمعت ان قطع الغيار الامريكى الاصلى غالية شوية بس معمرة .... الكلام ده صح ؟!
|
مبعتش أي من العربيتين يابو حميد..... الشيروكي للأسف لا غالي ولا رخيص بينفع فيها..... أنا كنت بجيبلها حاجتها من الهيئة العربية.... و بصلحها في أغلى مركز خدمة..... و مع ذلك مكانتش بتبطل تطلب قطع غيار و كل شوية لازم فيها حاجة تبوظ,,,,,,,,,,
المشاركة الأصلية كتبت بواسطة ahmedraafat00
شكرا يا استاذ مينا على الموضوع الهايل ده
انا معايا شروكى موديل 93 اربعه سلندر مانول بس الصراحه مغلبانى فى حكاية الصنايعيه اللى يفهموا فيها للاسف مش كتير اللى بيفهم فيها و نتيجه لكده بيبقى مصنعيتهم غاليه مقارنه بعربيات تانيه
وخصوصا الكهرباء
من اكثر المشاكل الشائعه اللى حصلت معايا وقرفتنى والمفروض انها حاليا اتحلت هيا ان العربيه كانت بتنتش وترعش بمجرد ما تسخن وبالتالى مينفعش امشى بيها مشوار طويل والمشكله دى اتحلت عن طريق تغير مايلى :
حساس كرنك : 650 جنيه
وطرمبه بنزين : 175 جنيه
فلتر بنزين : 50 جنيه " ياريت حضرتك تقولى الاسعار دى مظبوطه ولا انا اضحك عليا "
ده غير تغير كل الفيوزات اللى فى علبة الفيوزات
مصنعية ميكانيكى 250 جنيه والكهربائى
فى تقديرى الشخصى العربيه قويه و بتاعت جرى وعفيه بس للأسف ينقصها صنايعيه يفهموا فيها
|
الأسعار معقولة..... بس عارف سبب مشاكل الكهرباء ايه؟؟ موضوع الحساسات الكتيرة اللي في العربية.....
و لو عايز تلغيها ... الموضوع مش صعب......
ممكن نلغيلك كل الحساسات و نقلب العربية كربراتير بدل انجكشن و ساعتها انسى أي مشاكل خاصة بالاعتمادية......
الحاجة الوحيدة اللي ممكن تؤرقك هي طرمبة البنزين.... و دي برضو مش صعبة و ليها حل......