رد: الشورت بلوك للسياره النوبيرا
الحمد لله غيرت الشورت بلوك واللى حصل انه غيرلى كمان الرشاشات والمارش والكباس من الموتور الجديد .. المهم حاسبنى على الشغل ده 2800 للماتور و600جنية مصتعية وغيرلى طقم الدبرياج لانى كنت يشتكى من ان دواسة الدبرياج بتتقل وتنزل لتحت مع الزحمة ومع كتر الضغط عليها والمشكلة دلوقتى انها لسه زى ما هى فقالى انه عايز ديسك واسطوانة اصلى لان الجديد اللى انا ركبته من نوع فاليو وده مش حلو ....المهم روحت لميكانيكى تانى قالى ان المشكله فى انى اعمل طقم اصلاح للماستر الامامى والخلفى ولو العيب لسه موجود اغير (الفورش) وهو دراع بينقل الحركة للماستر وده هايحتاج انى اسقط الفتيس... فبصراحة مش عارف اجيب ديسك واسطوانة جداد والا اعمل طقم اصلاح .... وجزاكم الله خيرا
|