اهلا بكل اعضاء المنتدي انا الحمد لله وبعد طووول تفكير وعناء واستفسارات لا حصر لها في المنتدي وانتوا استحملتوني كتير اخيرا رحت يوم الخميس الي فات حجزت لوجان مانيوال من معرض المهندسين الي جمب نادي الزمالك واقولكم الي حصل يمكن يفيد اي عضو ...
أولا انا كان فرع الدقي اقربلي كتييير وحاولت اكلم فرع الدقي كذا مره ومحدش كان بيرد كلمت فرع المهندسين رد عليه وقلتله ايه اجراءات الحجز قالي تجيب البطاقة ومقدم حجز 5000 ج وبس (معلومة قبل كده سالت في نفس الفرع وقالي الحجز ب000 10 مانيوال او اوتو ) المهم قلتله هوه فرع الدقي مش شغال قالي لا شغالين بس الفرع مفهوش محاسب ومش هينفع تحجز من هناك
قلت كويس اني سألت رحت فرع المهندسين علي الساعة 7 بليل وعملي طلب شراء وحددت اللون الي انا عايزه (بتروووولي) واللون التاني الاحتياطي (فراني) ودفعت الفلوس عند المحاسب في الدور التاني واخدت وصل سداد وده الحاجه الوحيدة الي خدتها من هناك وقالي ان الاستلام هيكون خلال 3 شهور يعني علي شهر يناير وقالي ممكن قبل كده ان شاء الله مش عارف ليه مش مصدق بوقه بس اتمني ذلك وده كل الي حصل ببساطه ولو اي حد عنده استفسار عن اي حاجه انا تحت امره ولو اي حد عنده ملاحظه ياريت يفيدنا بيها