[3bdo]

المشاركة الأصلية كتبت بواسطة ahany الف مبروك . ربنا يديلك خيرها ويكفيك شرها للاسف دى اخر عربية ممكن افكر اشتريها ودة لسببين الاول . العربية معى من 2007 وناوى اخير ومش معقول اجيب نفس الشكل تانى مع اختلاف فى الفتيس وبس الثانى . انا مش مقتنع انى اجيب عربية فى 2012 وتكنش تارة مالتى وبدون بلوتوث والكماليات الاخرى ؟؟؟ بس هى عربية اعتمادية من الدرجة الاولى وتستاهل كل جنية اندفع فيها ولولا انها معى من 2007 انت اشترتها اخيرا بخصوص خبطة الاكصدام سخن مية وادلقها مرتين تلاتة على مكان الخبطة ودخل ايدك بين الكرتيرة وبين الاكصدام هتلاقية اتعدل وماتفكش الاكصدام لان السمكرى فى الغالب هيكسر كل الكلبسات الفبر ويركب بمسامير ( اكيد انت عارف الصنايعية ) والف مليون مبروك

الله يبارك فيك يا باشا و ان شاء الله هعمل اللى حضرتك قولت عليه بس عشان تحس بفرق بعد الانسر يبقى تروح تبص على الفانتازيا لان دى اقل حاجة حضرتك ممكن تركبها بعد ما كان عندك لانسر بس حضرتك باختصار شديد جبت اول سببين كانوا عجبينى فى الالنترا الطارة المالتى والبلوتوث بس لما لاقيتها مليانة عيوب كده كرهت الهيونداى بس برضه يا باشا فيه حاجات كتير اتغيرت فى الميتسوبيشى غير الفتيس زى الكاسيت وسائل الامان الوان الطابلوه شكل العدادات واضائتها وبعدين يا باشا عربية مفتقرة للاوبشنز اعطالها قليلة احسن من عربيات كتير مليانة اوبشنز واعطال فى نفس الوقت وده اللى يفرق الكورى عن اليابانى وخصوصا الانسر