المشاركة الأصلية كتبت بواسطة AboNoRa
يا حج احمد موضوع النقل ده مفهوم تماما لينا فى مجالنا
وانا نفسنا بننقل اوتوماتيكياً عن طريق محرر الاخبار اخبار وصور ومواضيع من مواقع الدنيا كلها
العالم كله فاهم الكلام اللى حضرتك بتقولة وطور تقنيات كمان لكده
لكن محدش فى الدنيا يقبل ان تعبة او مجهودة يتسرق ويتنسب لغيرة
لما دكتور تامر او اى عضو يتعب فى موضوع وفى اقل من دقيقة يلاقى الموضوع اتنسخ كوبى وبست فى حتة تانية والعضو هناك بيستقبل من الناس الشكر وكانه هو اللى عامل الموضوع ومش حاطط كلمة واحدة تقول انة منقول ديه مش حاجة مستفزة وتحرق الدم
وهل لما اتدايق واطالب بحقوقى الادبية عن موضوعاتى ابقى بضيع ثوابى عند ربنا
ربنا مقالش نتساهل او نضيع حقوقنا والحقوق الادبية لازم نتعلم انها ليها نفس حرمة واهمية اى حقوق اخرى
كمان بحكم احتكاكى بمجال الطباعة والنشر اقدر اقولك ان فيه قوانين صارمة فى الموضوع ده وفيه ناس بيوتها بتتخرب بسبب الحقوق وناس بتتغنى بسبب سرقة الحقوق
فالموضوع مش سهل اوى كده
|
طب الجزء الأول متناقض مع الجزء التاني ،،
انتا معترف ان مفيش حماية فكرية علي شبكة الانترنت و في نفس الوقت معترض بشدة علي كدة
مش فاهم ايه المقصد
المهم انا شايف موضوع د / تامر ،، ان شاء الله بسيط
و هوا عمل شكوي هناك و بانتظار رد الإدارة ،،
و انا عن نفسي هاعمل تقارير مشاركات سيئة بالمواضيع المنقولة هناك
لأن ده حصل معايا ،، اتنقل الموضوع بدون ذكر انه منقول ،، تدخل المشرف و كتب تحته منقول
فبلاش العصبية دي ،،،
دي حاجة بتحصل و هتحصل كل يوم و محدهش هيعرف يمنعها ،،
و في مصر موتورز مواضيع كتييير جدا منقوله و مبيكتبشي تحتها منقول ممكن يكون منها مواضيع ليا
اكيد يعني هما مش هيقدروا يراقبوا 40 الف عضو و يشوفوهم بينقلوا منين
بخصوص المنافسة الشريفة ،،
فحضرتك متقلقشي ،،
المنافسة مش في المحتوي ،،
المحتوي هيجيي هيجيي بالأعضاء ، و المشاركات ،،
الأعضاء هيبدعوا و هينقلوا و هيسرقوا و هيردوا
و التفوق هيكون للافضل تقنية ، الأسرع ،،
و طبعا الادارة الأفضل من حيث معاملة الأعضاء و التفتح و الاستجابة و التطوير و المصداقية ،،،،
انا فاهم و الله سر غضبك ،،
لأني مثلك اعتقد ان وجود كاتب مبدع مثل د/ تامر مخصص منتدانا بابداعاته ،،
قيمة و اضافة كبيرة للمنتدي و حرام يتسرق ابداعه
بس دي وجهة نظري في الموضوع