الموضوع
:
** أيام في امستردام - جنيدي الذي لا نعرفه **
عرض مشاركة واحدة
#
20
23-02-2011, 02:33 AM
Ahmed Anwer
التخصص العملى: Interior designer
هواياتي: Arts
تاريخ التسجيل: May 2008
الموقع: Cairo
المشاركات: 2,730
رد: ** أيام في امستردام - جنيدي الذي لا نعرفه **
و بعد كده قابلني آخر النهار ،، أ / جنيدي ،،
أنا طبعا عملت فيها أبو العريف ،، و خدت المترو اللي بيوصل لحد بيت أ / جنيدي ،، جنبه يعني
و حتي المترو في امستردام جميل و ممتع و نظيف هوا أقرب للترام بتاع اسكندرية بس اسرع و انظف و احدث
و الشبكة بتوديك كل حته تقريبا لدرجة كنت بقول ل أ / جنيدي ،، أنتم ليه مبتستخدموش الموصلات العامة هنا مادام بالنظافة و الالتزام ده ،، كان ليه اسباب كتير ،، ممكن هوا يشرحها
خدني أ / جنيدي جولة سريعة للمنطقة اللي ساكن فيها حسب فهمي هيا زي ضاحية من ضواحي امستردام ،، طابعها المعماري مختلف عن طابع نص البلد الأصلي ،، أحدث و ليه خدمات كتيره ،، منها المركز الرياضي اللي شغال فيه أ / جنيدي ،،
أول ما قابلني نزلي ابنه مصطفي اللي كان موصيه يخطفني بدخله هولندي ،، و أنا اتخطفت الصراحة ههههه
بس مصطفي و كل أولاد أ / جنيدي بيتكلموا عربي ما شاء الله
ما عادا زوزو آخر العنقود ،،، عشان مبتكلمشي اساسا ،،،، هههههههه
و دي صوري مع أ / جنيدي و ابنه الكبير ربنا يباركله فيه مصطفي في النادي الرياضي ،، مكان عمله
و هتلاحظوا صور الكؤس و الميداليات و صور أ / جنيدي نفسه في لوحة شرف النادي
بعد ذلك ،، خدني أ / جنيدي لبيته ،،
هوا من النوع اللي بنقول عليه في مصر دوبلكس ،، في ضاحية هادية و جميلة في امستردام
بس أ / جنيدي ،، مختاره دور ثاني و ثالث و ليس ارضي ،، قاللي عشان أأمن
رغم إني شايف البلد أمان ،،
و قابلت العائلة الكريمة ،، من اصغر فرد لأكبر فرد اللي هوا أ / جنيدي ،،
طبعا ترحاب و ضيافة مفيش بعد كده ،،
و المفاجأة بقه غذاء مصري مصري في قلب الشمال الأوربي
مكرونة بالبشامل ، بامية ، ملوخية ، رز ، لحمة ، فراخ ،،، و ده اللي أنا فاكره اساسا
كنت عايز اصورهم بس أ / جنيدي مرضاش ،،، ههههه
الصراحة ،، مدام أ / جنيدي ،،، تسلم ايديها بجد ،، الأكل و لا اروع
جالها بس إحباط لما عرفت إني مش من هواة البامية و الملوخية أصلي من الأجيال الجديدة اللي بتحب الأكل الناشف
و حبسنا بالشاي و الحاجة الساقعة و كمان التسالي ،،، مكنشي ناقصني حاجة يعني
و بعد كده خدني أ / جنيدي ،،، لقهوة مصريين تانية في حته تانية مش في نص البلد ،، ضاحية من ضواحي امستردام
اتعرفنا علي ناس تانيين ،، و اصدقاء تانيين ،،
و لم يخلو الحديث عن أحوال الوطن الحبيب ،، عايش في قلوبهم
علي فكرة ده كان يوم 24/ 2 قبل الثورة
و دي كانت نهاية تاني يوم
يتبع ،،،،،
__________________
Ahmed Anwer
مشاهدة ملفه الشخصي
إرسال رسالة خاصة إلى Ahmed Anwer
زيارة موقع العضو Ahmed Anwer!
البحث عن المشاركات التي كتبها Ahmed Anwer