[amro1965]

السلام عليكم ورحمه الله وبركاته
معلومات جديدة نتيجة استخدامى للسيارة حتى الان وذلك لافاده باقى الاعضاء بالمنتدى
اولا عداد السرعه 180 كيلو فى الساعه وكتالوج السيارة بيقول السرعه القصوى 130 كيلو فى الساعه والحقيقة فعلا كما يقول كتالوج السيارة واذا زاد بيكون حمل على الماتور على ماعتقد

ثانيا الفتيس 6 نقلات
الاول هو بادى الحركة وده بمجرد مابتنقل حتى لو لم تضغط بنزين السيارة بتمشى على الاولانى
الثانى مثل الاولانى مع زياده بسيطة فى السرعه وبرضه بدون ضغط دواسه البنزين
الثالث بيكون مابين 30 و 50 كيلو ولو زاد المكنه بتعلى وعداد الار بى بيزيد كانه يريد الرابع
الرابع بيكون مابعد 50 كيلو الى ماقبل 85 كيلو ولو زاد المكنه بتعلى وعداد الار بى بيزيد كانه يريد الخامس
الخامس طبعا طبقا للكتالوج حتى 130 كيلو ولو زاد اكثر من هذا عداد الار بى بيزيد وبيكون حمل على الماتور
علما اننى كنت بقود سيارتى الريجاتا وانا على الثالث حتى 70 كيلو بدون مالحرك يعلى وعلى الرابع حتى 110 كيلو مش عارف هل ده عالى ولا ده مشكله فى المحرك رغم ان المحرك 1340 سى سى اتمنى من باقى الاعضاء مشاركتى تلك المشكلة حتى اخبر مركز صيانه التوكيل
والسادس طبعا للرجوع للخلف المرشادين
بالنسبه لى مش مسببه لى اى مشكله لانى بطبيعه الحال لا احبذ السرعه الزياده وفى نفس الوقت ممكن تكون مشكله لدى الاخرين الذين يسافرون دائما ويريد زياده فى السرعه

ثالثا ده مشكله لدى التوكيل
الا وهى ظبط زوايا السيارة عند سؤالى عن ظبط الزوايا قالوا لى للاسف لا يوجد فى صيانه التوكيل ظبط زوايا

رابعا بالنسبه ثبات السيارة
عندما تقود السيارة فاضية ثابته حتى 80 كيلو لكن بعد ذلك تقلق نظرا لعدم وجود حمل داخل السيارة لكن مع وجود حمل بالسيارة بتحس بثبات السيارة على الارض

خامسا بالنسبه للتكيف
نظرا لانى مع ذهابى لعملى ورجوعه منه طبعا باستخدمها كمصدر رزق اضافى وبالتأكيد لا اشغل التكيف لكن عند نهايه عودتى لبيتى طبعا المسافه بتبقى قليلة بشغل التكيف بيرضينى طبعا لزياده حراره الجو فى تلك الايام