رد: اللي معقدنا في عيشتنا سواقة الستات :)
يا شباب انتم متحاملين عليهم اوى
هما موقفهم فى السواقة مش وحش كدة والحرص منهم دة واجب عليهم وعلينا
وطبيعى ان اى بنت تخاف وهى سايقة والا متبقاش بنت (البنات قلبهم مش جامد زى الاولاد)
وبعدين انتم لو جيتو تحسبوا عدد المصايب الى بتحصل من الطرفين هتلاقى كفة الرجالة الى هتغلب
يعنى مثلا صعب جدا تلاقى واحدة بنت اخدت عربية والدها من وراة وعملت بيها مصيبة فى المقابل ان دة العادى انهاردة بالنسبة لمعظم الاولاد
احنا مثلا واحنا ماشين بالعربية فى الشارع ممكن نلاقى كام بنت سايقة فى طريقنا ؟... عددهم نادر علشان كدة مركزين معاهم مش اكتر لكن والله الى انا متأكد منة ان نسبة الستات الى مش بتعرف تسوق مش هتيجى حاجة جمب نسبة الرجالة الى مش بتعرف تسوق وبتعمل مصايب
وفى ملحوظة بردة انت صعب جدا تلاقى ست ماشية مخالف او تكسر اشارة مرور لان هى بطبيعتها بتخاف وبتتفادى الاخطاء على قد ما بتقدر على عكس الرجالة الى لو ماشين بالليل ومفيش عسكرى مرور هيكسروا الاشارة وممكن يسرقوا حتى مخالف علشان يوفروا لفة.... الله ما هى كل دى عيوب بردة يا جماعة لية محدش فكر فيها ؟؟ علشان تركيزنا مع الشىء الغريب من وجهة نظرنا مش اكتر . دة غير فعلا المضايقة الى البنات بتتعرضلها بطريقة بشعة
(اى نعم بيكونو هما السبب فى كدة بنسبة 50% علشان الحق بردو) بس دة ميمنعش ان يكون فى شوية ذوق واخلاقيات ناحيتهم .
وعموما يا ROMEOOO يا غالى انا مش بناقضك لان انا فاهم وعارف ان الموضوع فكاهى واحنا بس بندردش مع بعض وبنحاول نوضح الفكرة مش اكتر
وتسلملى مرة تانية ع الفيديو الجامد دة لانة بصراحة تحفة
دة غير ان انا متاكد ان زوجة عمرو اديب عندها عربية وبتسوق ويا عالم ظروفها اية فى السواقة
__________________
HaMaDa-ToUB@R
01000902024
|