المشاركة الأصلية كتبت بواسطة محمدصلاح القاضى
الله يخليك
بس ان برضه سمعت انها بتسخن مع التكييف ولو فى اى عيوب فيها ظاهريه ومشهوره ياريت تقولى عليها
وانا عاوز اجيب حاجه 1600 لانى ركبت العربيه
ومع انها كربراتير لقيتها بنت لذينه بتجرى بغبا وثابته وواسعه فبفكر اغير 132 اللى معايا بواحده تيمبرا
وابقى على الاقل حدثت الموديل وراكب جديد
|
بص يا باشا انا جبتها بفضل الله فى شهر يونيو ودا طبعا عز الحر
وعمرها ما عملتها معايا ابدا الا فى حالة لم كتاوت الترموستات اتحرقت فطبعا المروحة مشتغلش و ولعت
بص الحقيقة التكيف بتاع كل الاوروبى مش كويس بالمقارنة باليابانى والكورى
حتى ولو كانت بى ام دبليو ( فى ناس بتشكى من التكيف بتاعها بالمقارنة بلانسر شارك )
لكن التكيف بتاعها حلو جدا على الطوالى وجوة البلد
وبفضل الله عمرها مسخنت مع التكيف
اهم حاجة تكون حاجاتها على ابوة (زى الخواجة بالظبت)
المروحة بتاعتها محترمة جدا وليها تروموستات على سرعتين فى صناعية بغيروها بسرعة واحدة ( العربية عندى كدة من المالك القديم ) ولكن بفضل الله مفيش اى مشاكل مع الحرارة
مفهاش عيوب تذكر وخاصة انها معايا بقالها حوالى 5شهور
ولكن لازم تفهم فيها شوية عشان الميكانيكى بتاعها لازم انت الى تحركة مش دماغة خالص
يعنى كانت مقبالنى شوية مشاكل فى التنتيش والتبطيل لوحدها ولكن بفضل الله علية
وبمجهودات زملاء جدعان عملين جروب اسمة تمبرا جروب على الفيس اغلب المشاكل بلاقى حلها عندهما وخلى الميكانيكى بتاعى يشتغل ( يعنى هو العضلات وانا شوية العقل)
وانت جربت الكربيراتير - جرب بقى الهاف انجكشن اداءها اعلى من العادة
عربية محترمة بكل الموصفات وقطع غيار رخيصة ( صفة عامة فى كل الفيات )
وليها بدائل ودى اهم حاجة ( المكنة شاهين - دبرياج شاهين - قطع غيار استيراد فى عزبة شلبى زى الرز وارخص من 132 )
اتوكل على الله واى حاجة انا تحت امرك
وممكن تجيب ام 24000 وتظبط حاجتها براحتك قدام مش لازم دلوقتى