رد: يا شباب مشورتكم ضرورى جدااا فى عربيه جولف 2 عشان رايح اعاين بكره ان شاء الله
أولا لازم تكشف علي العربية عند حد خبير وتتاكد من اساسيات السيارة الحوض والقوايم ونها مش مغيرة نص لان في عربيات كتير جولف مغيرة نص وتكشف علي كبس الموتور وتتاكد من حالته كويس لان الموتور ال 1800 حاجته غالية وعمرته مكلفة والموتور ده تحديدا لو مش مظبوط بيستهلك بنزين كتير جدا ممكن توصل ل 120 كيلو في الصفيحة لو الموتور مش مظبوط
تاني حاجة السعر عالي شوية لان في موديلات أعلي 90 و91 بنفس السعر وهي تعمل في حدود 30.ل 31ألف بالكتير انا معايا واحدة جولف 2 مو 86 شاريها من 10 شهور وحالتها زي الفل كانت ب 26000 جنيه من غير تكييف وباور العربية جميلة جدا وثابته جدا وتسارعها رائع أسعار قطع الغيار بالنسبة للألماني مش غالية متوسطة وهديك أمثلة
طنابير أمامي 150 جنيه تيل أمامي من 70 ل 150 جنيه حسب النوع اشطوانة ودسك وبلية 620 جنيه فلتر زيت 30 جنيه فلتر هوا 30 جنيه بوجيهات 65 جنيه سير كاتينة 60 جنيه اسبراتير استيراد 200 حنيه فوانيس أمامي 180 جنيه استيراد 140 جنيه جديد فانوس خلفي 60 جنيه استيراد جوزمساعدين كوفاب برازيلي 600 جنيه شجرة مياه 90 جنيه
فيبرة كونتاك 40 جنيه سلك اكسراتير 60 جنيه سلك دبرياج 60 جنيه جوان غطا تاكيهات 30 جنيه جوان وش سلندر 35 جنيه وتحت أمرك في أي استفسار
|