02-07-2010, 10:42 PM
|
 |
من انا؟: أنسان يعيش و يتعايش
التخصص العملى: تانية تجارة
هواياتي: Everything
|
|
تاريخ التسجيل: May 2010
الموقع: مصر الدور الرابع
المشاركات: 1,400
|
|
رد: كل شئ عن الديفيل.
يا باشا ولا يهمك,أحنا بناخد وندى فى الكلام.
فلتر k&n ده فلتر هواء رياضى أمريكى, بيزود الهواء الداخل للموتور وبيخليه يتنفس أحسن وبالتالى بيزود السحب
البوجيهات موجودة عند جميع محلات الأكسسوارات الكبيرة, وأنا كنت شاريها ب 100 جنيه الأربعة وعليهم ضمان سنة, بس خلى بالك من العلامة المائية بتاعة الشركة اللى على العلبة و عبارة صنع فى أمريكا.
أما السلوك سعرها معرفهوش بس أنا كنت قريت عن أن سعرها غالى فى حدود 400 جنيه, بس أتخن من السلوك الأصلية فمقاومتها للتيار أقل وبالتالى قوة الشرارة بتزيد.
بس التعديلات دى كلها تعديلات الغرض منها الحصول على أقصى قدرة من الموتور الموجود, يعنى الحصول على أفضل حرق بنزين و أستجابة أسرع من الموتور, وهتدى زيادة ملحوظة لكن مش جبارة وهتحافظ على الموتور فى حالته الأصلية وأحسن كمان.
وحاجة تانية برضه, لو طقم الدبرياج فعلا عايز يتغير حتى لو سقطنا موتور 4000 سى سى هيفقد كتير من قدرته بسبب ضعف أسطوانة الدبرياج, والقوة الواصلة للعجل هتبقى أقل بكتير من قدرة الموتور الأصلية.
وعقبال العربية الجديدة.
التعديل الأخير تم بواسطة Injection ; 02-07-2010 الساعة 10:50 PM
|