المشاركة الأصلية كتبت بواسطة مينتشو
والله يا اخوه انا محتار حيره الاخ السأل لان العربيات الصينى لا سيما البى واى دى الكل بيشكر فيها وانا كل ماركب تاكسى استنى التاكسى بى واى دى عشان اسال السواق عليها وكله اجمع انها كويسه ومحدش اشتكى منها وفى نفس الوقت فى واحد صاحبى معاه اللوجان وبرده بيشكر فيها قوى وهو بيسافر بيها كل يوم من بنها الى القاهره والعكس ويقالهاه معاه تقريبا سنه ومشتكتش وهو بشكر فيها انا فى حيره ارجو من الاخوه الفنيين او الخبره الافاده وجزاكم الله كل خير
|
يا أستاذ مينتشو
أنا كنت محتار نفس الحيرة لغاية لما الأستاذ MMFFOR رد عليا رد قاطع هتلاقيه موجود تحت ولك مني التحية وفقك الله لما فيه الخير
بص - انا حقولك المفاجأة
اللوجان منتشرة في اوروبا انتشار كبير - و اوروبا يعتبر سوق سيارات نزيه و تنك يعني بعد سنتين تلاته بالكتير حتبص
تلاقي عربيات لوجان بالهبل جايه متقطعه بحالة كويسة في الوكالة و الحرفيين باسعار ببلاش و بالتالي قطع غيارها الاستيراد حتغرق السوق باسعار رخيصه مما سيؤدي الى انخفاض اسعار قطع غيارها الجديدة جدا
دا غير ان الموتور اللي فيها هو
موتور الميجان 1 موتور قوي و كفائته عاليه و تصنيع فرنساوي - مش تكنولوجيا ياباني و تصنيع صيني - خللي بالك بخلاف التكنولوجيا برضه عامل بلد المنشأ بيفرق لان الخامات المستخدمة بنفس اهمية التكنولوجيا لان الموتور عباره عن سبيكه معدنية فاي خلل في تكوين السبيكة او المعدن بيؤدي الى قصر العمر الافتراض و ضعف الاداء
و كلنا عارفين الصين و عمايلها
عموما اللوجان تكنولوجيا و كماليات كويسه
اعلى عربية عن الطريق
عفشة و اداء موتور مفيهوش شكوى
افضل توكيل في مصر على الاطلاق ( EIM ) و هو توكيل كيا
العربيه بقالها في السوق 4 اعوام و في محلات كتير بتبيع قطع غيار الرينو من 20 سنه
حتلاقي مئات الميكانيكية اللي بيشتغلوا في الرينو دا غير انك مش حتحتاجهم اصلا لان التوكيل محترم
سعرها بعد كل ده ما زال اقل من البريليانس ( على الرغم من رفع سعرها مرتين)
بالتوفيق