[YahiaAshraf]

مشوية ومحشية وكمان فى صينية

انا عارفة اكيد كلكو عارفين طرق كتيرة للفراخ المشوية واو المحشية بس انا حشيتها حشوة جديدة اختراعى يعنى مش شفتها من اى حد بس الحمد لله طلعت جميلة اوى اوى علشان كده قلت اشاركو معايا وتقولولى رأيكو
هى عبارة عن فرخة سليمة مغسولة كويس اوى من برة وجوة بدقيق وملح
ودى الفرخة هانم منورة معانا ههههههههههههه

وبعدين تبلتها ببصلة مفرومة ومكعب مرق وملح وفلفل وطماطماية مبشورة


ودعكت الفرخة كويس اوى بالخلطة دى من جوة ومن برة وسيبتها فالتلاجه من بالليل

وتانى يوم بقى جهزت الحشوة اللى هى عبارة عن ::جزرة مقطعة مكعبات صغيرة مع بسلة وحطيتهم فى علبة تدخل الميكروويف وعليهم شوية مياه بسيطة خالص
وغطيتها وسويتها فالميكروويف مش اخدت 4 او 5 دقايق وطلعت احسن من المسلوقة وكمان لونها زى ماهو شايفين دى قبل السوى

شايفين كأنها طازة ومستوية كمان


وبعدين بشرت بصلة ناعم ودبلتها فى شوية زيت زيتون فى حلة عالنار


بعد مادبلت ضيفت الخضار بتاعى وقلبته مع البصلة تقلبتين فقط

وبعدين ضيفت مكعب مرق مع ملح وفلف وكمون وجنزبيل بودر ورشة قرفة بتديه ريحة حلوة اوى

وقلبتهم ثوانى وبعدين ضيفت معلقتين صلصة طماطم جاهزة

وعليهم الرز وقلبته لحد ماسخن اوى وبعدين ضيفت المياه المغلية علشان يكون الرز مفلفل وجميل

وطبعت ظبطت الملح مع مراعاة مكعب المرق اللى حطيناه وسيبت الرز يتشرب ميته ويستوى 3/4 سوى واخد منه على قد حشوة الفرخة وافردة فى طبق علشان يبرد واعرف احشى بيه

واسيب الباقى يكمل سواه عادى جدا عالهادى خالص

وبعدين احشى الفرخة كويس اوى من جوه وبعدين اقفلها بخلة كويس اوى

وبعدين جبت بطاطسايتين ههههههههههه مقطعين طرنشات وفردتهم فالبايركس وعليهم طرنشات بصل وحصيت عليهم بابريكا بودر وسماق كتير وشوية ملح وشوية مياه بس كده

وفوقيهم الفرخة ورشة زيت

وغطيتها بفويل ودخلتها فى ارضية الفرن لحد ماغلت واستوت تماما شيلت الفويل ودهنت وش الفرخة بشوية كاتشتب وطلعتها تحت الشواية تحمر ودى وهى لسه خارجة من الفرن

وطلعت بالشكل ده مش قادرة اقولكو عالريحة والطعم يمممممممممممممممم ولا الصوص الناتج واووووووووووو


ودى بعد ماقطعتها مع الرز بعد مااستوى الرز ده خطير وشكلة كمان حلو اوى

وده طبق تانى

ودى بعد ماقطعتها نصين شايفين الرز والوان الجزر والبسلة


منقول