[تامر ديزل]

السلام عليكم
ماشي كلامك يا استاذ فادي
وان كنت عاوز اضيف حاجه من واقع تعاملي مع الاقباط ان فيه جزء كبير منهم يدخل ضمن الاغلبية الصامته بتاعتنا واختياراتهم السياسية مقتربه جدا من اختيارات الاغلبية
ودي مناسبه كويسه اننا نتناقش في موضوع حقوق الاقباط في الاسلام
وانا هتكلم عن 3 قواعد بس وهاسيب الناس تكمل
القاعده الاولى من القرأن الكريم في سورة الممتحنه (لا يَنْهَاكُمْ اللَّهُ عَنْ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ )
شوف المعنى الجميل الناس التي لا تقاتل المسلمين او تخرجهم من ديارهم يعني يضطروهم للهجرة من منازلهم هؤلاء الناس مافيش مانع اننا نبرهم .......وشوف الكلمة (البر) انطلبت من الانسان مع نوعين من الناس الوالدين والمخالفين في العقيدة المسالمين
القاعدة الثلنية من القران الكريم في سورة المائدة (اليوم أحل لكم الطيبات وطعام الذين أوتوا الكتاب حل لكم وطعامكم حل لهم ) وشوف المعنى الجميل ده كمان طعام المسلمين حل لاهل الكتاب طيب هوا اهل الكتاب بياخدوا الحلال والحرام من القران ؟ اذن المقصود هو انك يامسلم مسموح ليك انك تعزم على اهل الكتاب بالطعام وتهاديهم وتدعوهم في عزوماتك .... شوف يأخي بر ومشاركة طعام ؟
وبعد كده ييجي واحد مخه ضيق يقول مالهومش حق ؟ وان لنا كل الحق في البلد وهما لازم يرضوا باللي بنقوله او انه يجب ان يتم معاملتهم كاقلية زي الاقليات في الدول التانية ؟
يا راجل عيب عليك بقى الاسلام بيقولك انتوا عيلة واحده ممكن تتشاركوا في الاكل والمعاملة بينكم بر وقسط اللي هوا العدل وانت تاخد منهم جمب ولو حصل اي خناقة عادية تقوم الحماسة تاخدك وتقلبها مجزرة
طب شوف الرسول عليه الصلاة والسلام بيقول ايه على كل اللي عمل مجزرة او حرق او اساء بدون حق قال : من آذى ذميا فأنا خصيمه يوم القيامه يعني الناس كلها ها تبقى بتتمنى شفاعة النبي وهوا واقف للمؤذي خصيم
رأيكو ايه
سلامو عليكم