الموضوع
:
ازاي تجهز حوض سمك من الالف للياء
عرض مشاركة واحدة
#
21
01-12-2011, 12:01 PM
corsair
Guest
المشاركات: n/a
رد: ازاي تجهز حوض سمك من الالف للياء
المشاركة الأصلية كتبت بواسطة mar mar
ياااااااااااااااااه متعب اوي
انا اروح اجيب قطه اسهل اوكلب
حرام عليكي يا مرمر وزنبهم ايه القطط والكلاب ههههههههههههههه
المشاركة الأصلية كتبت بواسطة nktis
عندك حق...موضوع حوض السمك عايز عنايه خاصه ...
بالعكس يا دكتور سهل جدا تربيته عن اي حاجه تانيه بس هو في الشتا بس بيزيد اعتنائك بيه علشان برودة الميه والسمك لاكن بقية السنة بتنساه اخرك شوية الاكل اللي بترميه مرتين في اليوم وانتا قاعد ببتأمل في جماله
وسهل جدا لو هتسافر وتسيبه بعكس الكلاب والقطط واي حيوان اليف تاني مينفعش تسيبه وتسافر لازم تاخده معاك
المشاركة الأصلية كتبت بواسطة tonsy1979
تسلم يا غالى ... بس ممكن اربى بورى مشوى اصلى بحبه ههههههههه
ههههههههههههههههه
ممكن يا تونسي باشا بس متنساش ترمي شوية طحينة وعصير ليمون في الحوض ههههههههههه
المشاركة الأصلية كتبت بواسطة abu_ruqayyah
مجهود رائع يابو حميد وربنا يخليك لينا يا كبير
وعلى فكرة انا من عشاق الاسماك وتربيتها وكان عندى حوض سمك زمان 60 سم والعرض تقريبا 30 وكنت مربي فيه اكتر من 120 سمكة ( تخيل انت بقي شكله كان عامل ازاى ) والموضوع زمان كان سهل وماكانش فى زرع انا كنت بجيب ورق مناظر طبيعية والزقه فى ضهر الحوض وكنت حاطط جرش و زلط ملون احمر واخضر واصفر وبلي وبيت صغنون كدا والفلتر كان شبكة تحت الجرش والموتور كان يباني ..........مش فاكر الا اسماء قليلة من انواع السمك .....
وفى موقف طريف مع السمك / كنت رايح اشترى سمك بمصروفى ومجهودى الشخصي ولاقيت سمكة ريد كاب محطوطة غلط مع النوع العادى - او الله اعلم بقي وكان مساعد صاحب المحل هو اللى واقف ساعتها - واشتريتها بسعر السمك العادي اللى كان فى الحوض وربيتها لغاية ما كبرت وكان شكلها اروع من الروعة وما رضيتش ابيعها لاى حد لغاية ما ماتت بسبب الحسد بعين واحدة جارتنا......
ياااااااااااااااااااااااا اااه
ده انتا مفتري أوي يا ابو رقيه حرام عليك ده انتا ولا الحكومه في تسكين أهالي الدويقه في شقق 20 متر ههههههههههههه
بس علي فكرة من أجمل الاسماك اللي ربيتها كانت الريد كاب والفانتيل وكان عندي تعبان ملهوش حل طوله كان تقريبا متر وربع بس أليف مكنش بياكل غير السمك الزبال اللي في الحوض نفسه كانت حلوه أوي
المشاركة الأصلية كتبت بواسطة ahmed_eng2001
مشكور جدا على المعلومات دى , انا مبتدأ فى موضوع احواض سمك الزينة , صحيح مش بيعيشلى سمك , بس ان شاء الله مسيرى حعرف بيموتوا ليه
طيب قولي بتعمل ايه بالظبط علشان اقولك السمك بيموت ليه يعني قولي تفاصيل الحوض عندك