المشاركة الأصلية كتبت بواسطة sehsss
مع احترامي لرأيك اسمحلي اختلف معاك، أولا.. مافيش حاجة اسمها بنزين 95 ينظف الطرمبة لأن البنزين عموما ما فيهوش مواد مذيبة للرواسب، ثانيا.. السير الكاوتشوك ليس أفضل من الجنزير لأن العمر الافتراضي له أقل وكل العربيات اللي بتجيب صبابات بيبقى بسبب قطع السير الكاوتشوك وليس الجنزير طبعا، الميزة الوحيدة للسير الكاوتشوك إنه بيخلي صوت الموتور اهدأ، ثالثا.. السير الجنزير ما بيتقطعش ومع ذلك بتتم مراجعته في الصيانات الدورية.. تقبل تحياتي
|
شكراً لحترامك رأي حيقيقي بحس بالرقي و أنا بتعامل مع أخواتي في مصر موتورز
أولاً موضوع البنزين 95 سمعته من سائق تاكسي محترف أعرفه اخذه من مهندس في توكيل عربيته
ثانياً ما يقصدش إن البنزين فيه مواد مذيبة لأ يقصد يقلل نسبة الشوائب الداخلة بمعدل 80 لتر شهرياً
يعني لو بتمون الملاكي مرتين في الإسبوع 100 لتر 92 تمون
80 لتر 92 و 20 لتر 95
ثالثاً موضوع سير الكاتينة ده أنا سمعت نصفه من مهندس ميكانيكا قال عن غيار الزيت 3000كم أفضل من 5000 و الـ 10000و سير الكاتينة الكاوتش لأنك مجبر تراجع عليهم و تغييرهم و بالتالي حتحافظ على عربيتك
و عموماً لو العربية نازلة كده بأيدنا إيه غير إننا ننبه بعض و نشيك على العربية باستمرار
لو الشركة المصنعة قاصدة زيادة معدل استهلاك قطع الغيار تبقى غبية لأن بالكثير 10 سنين و حيقف الإقبال على عربياتها
إنما لو فيه سر في مادة تصنيع السير الأصلي زي ما عندنا في بعض سبائك قطع غيار محركات الماكينات الألماني و الهندي و غيرها يبقى مستحيل يلعب بارواح الناس و كمان مستحيل يديك سر الصنعة No How زي مكا بيقولوا في الخارج
المهم المشكلة دلوقتي في كيفية الحفاظ على سير الكاتينة مش المشكلة إن الشركة من وجهة نظري خدعتني و نزلت سير كاوتش بدل الجنزير
صحيح مش حنسكت للتوكيل و نلبه على الحاجات الغير منطقية لكن أملنا في الله يكون فيه حاجة خلتهم يعلموه كاوتش في مصلحتنا
تقبل تحياتي و شكراً لروحك الرياضية و أخلاقك السامية في قبول الاختلاف مع الآخر
أختك
توتة المصري