اولا بصراحه ربنا يكون في عون الاخ اللي صرف المصاريف دية كلها وربنا يكون في عونا من كل من لا يتقي الله فينا وعاوز يسحب فلوس من الزبون وخلاص وربنا لايباركله . وربنا يستر انا لسه شاري نوبيرا ومش فاهم اي حاجه في اي حاجه ولقيت لمبة الاعطال منوره رحت لبتاع الكمبيوتر قالي حساس ال egr قلتله مش فاهم ايه ده قالي حساس بيظبتللك العربيه بنزين وكده يعني قولتله ماله يعني قالي ملغي ومكسر قلتله طيب نغيره قالي طيب اصبر راح جايب خرطوم ونام تحت العربيه معرفشي عمل ايه قالي بطل وستني ودور لقيت اللمبه طفت بتاعة الاعطال بعد كده راح جي لعب في الكمبيوتر وقالي كده خلاص . كام بقي يا معلم 50 كمبيوتر و50 تصليح العيب . اديته وامري لله مع اني عارف اني اشتغلني بس قلته ربنا يحاسبه علي ضميره لاني مش فاهم . انا مش عارف روحت ولسه منزلتش بالعربيه من ساعتها لما اروح الشغل مشواره طويل شويه حشوف ايه اخبار العربيه وربنا يستر لاني دورتها بليل عشان اروح لبتاع الكاوتش لقيتها بترعش جامد زودت وبعد ثواني ظبت ومرعشتشي تاني .
