رد: مبحسش بالثبات فوق 100
لو مش هيضرك اللعب فى العفشة و هاوى جرى او مشوارك اليومى على طريق صحراوى يعنى وطى العربية
توطيها ازاى قدامك حلين
الحل الاول : غالى شوية عن التانى بانك تشترى مساعدين رياضين سوستة و ياى مونرو بتوع ريس مثلا او اى مساعدين تانين رياضين و دة افضل علشان متقصش فى مساعدينها الاصليين
الحل التانى : ارخص بس مضر شوية انك تقص فى مساعدينها من الياى لفة مثلا و دة بيتعمل باحترافية فى الحرفيين بيفك العربية و يحطهم جمب بعض و يقص بزبط بس يبقى على البارد
هتلاقى العربية و طيت
و تهبيط العربية هيخلى كمية الهواء اللى داخل تحت العربية اقل بكتير من الاول على السرعة هيعلى الثبات جدا
و ممكن تجنط عريض شوية بس مش هيبقى كويس لل 28 لانها عفشة ضعيفة و جنط اكبر من 14 عريض هياثر على العفشة لان عفشتها تعبانة و ممكن تفتح شاشية مع الوقت فى شوارع المحروسة
افضل حل مساعدين رياضى علشان متلعبش فى العربية و المساعدين الرياضى عيبهم الوحيد انهم اغلى شوية و ناشفين جامد فى المطبات بس ثبات فى الملفات و اوطى للعربية و اثبت من العادى بفرق ملحوظ لل 28
اللى يريحك اعملة و سيبك من اللى يقولك بيع و اشترى عربية تانية ال 28 حلوة بس اللى يهتم بيها
و فية حل تالت حلو اوى بس بيفرق فى الثبات على الملفات فى السرعة يعنى ممكن تاخد غرزة غصب عنك و انتا سريع لقيت واحد بارد قدامك ماشى على 50 انك تركب شداد بين بطاحتين العربية علشان ميفتحش منك الشاشية و اكتر عربية فى العالم محتاجة للتعديل دة هيا ال 28 علشان برضة شاشيها يعيش معاك و دة هتحس بية فى الملفات برضة جامد بيمسك جسم العربية فى بعضة جامد ة دة فى حدود اغلى حاجة ب 120 جنية بيبدا من 40 جنية لانة عبارة عن ماسورة حديد المهم فى تركيبة انك تركب اعرض ماسورة
|