طلب مشورة فى عربية مصدومة فى القائم
الى الخبراء،،،،
معروض عندنا فى الخرطوم سيارة بوكس ميتسوبيشى L200 موديل 2010 - اتنين كابينة - لكن عملت حادثة قبل كدة والقائم (اللى هو مابين الباب القدام والباب الورا) اتضرب فى الحادثة واتعمل له سمكرة نضيفة وبوهية - فعلشان كدة معروضة بنص سعرها تقريبا.
على حسب ما انا افهم ان عربات البوكس بتكون متحملة على شاسى (كمرات تحت الكبينة) وحتى المساعدين راكبين على الشاسى مش على البودى - فأنا عندى اعتقاد ان الضربة اللى فى القائم دى مش هتأثر على عربية من النوع اللى متشال على شاسى زى حالة البوكس ده، فهل اعتقادى صحيح، بالتالى اتوكل واشترى ام انه خطأ فأنسى الموضوع بأكمله ؟؟؟؟
ولكم جزيل الشكر
|