[tronky]

أستاذ بايو

البطارية الأولى كانت بايظة وزى ما قولت لحضرتك قبل كده أن دفعة 2005 كان فيها بطاريات بايظة ودى كانت بتتغير ببلاش ف التوكيل....و جابو واحدة بدالها ( الكلام ده على 10 الاف كم ).....والتانية أنا جايبها على 67 ألف كم.....وعلى فكرة البطارية مش بتتقاس بمشيت أد أيه....البطارية لو قعدت فى عربية مبتمشيش غير مشاوير محدودة مش هتكمل 3 سنين وهتبوظ.
وبعدين مفيش حاجة أسمها العربية بتاكل بطارية......البطاريات دى قدرات 55 أمبير 60 أمبير وهكذا....يعنى العربية لو قليل عليها ال 72 أمبير اللى هى نازلة بيها كان الأولى بالشركة أنهم ينزلوها ب 80 أمبير مثلا.....مش يستنوا على العربية 5 سنين بعد أنتاجها عشان جهابزة الميكانيكا والكهرباء فى مصر اللى مش عارفين يشتغلوا فيها يقولو أنها بتاكل بطارية.....
ثانياً البطارية التالتة اللى معايا لسه شغالة يعنى العربية مكلتش 3 بطاريات فى 82 ألف كم ده بفرض أن البطارية بتتقاس بالكيلومتر.
وبعدين ما أنا قلت لحضرتك أنك بتشترى عربية 1600 سى سى عادية...يعنى مش تربو ولا فيها تجهيزات رياضية عشان تتوقع أداء رياضى............وبعدين الأداء اللى حضرتك معترض عليه أنا بعدى بيه كل الألمانى ال 1600 ( جيتا باسات - فيكترا - أوكتافيا - الأسترا الجديدة ) يعنى لو أدائها وحش.....يبقى فى الأوجش منها..........عمالقة السيارات فى أوروبا.
و معلش هطلب من حضرتك طلب.......حضرتك متعرفنيش قبل كده ف ياريت متفترضش أنى من النوع اللى حضرتك أتكلمت عليه اللى بيحب يدارى على عيوب الحاجة بتاعته لأنى مش كده...العربية لو وحشة هقول عليها وحشة أو على الأقل همتنع عن التعليق.....مش هدخل أدافع عنها.
سؤال أخير.....حضرتك ليه مقلتليش أنت جايب العربية من الزيرو و لا لأ وجايبها عاملة كام كم لو مستعملة وهل كشفت عليها فى التوكيل قبل ما تشترى ولا لأ أو هل كنت بتروح الصيانات الدورية وهى فى فترة الضمان لو زيرو ولا لأ.....؟
العربية دى سرها فى المحافظة على الصيانات الدورية ليها سواء فى التوكيل أو برة التوكيل
وأنا عن نفسى بتعامل مع واحد برة التوكيل

و يا ريت برضه تبقى توضحلى أكتر " أو أو أو أو " اللى فى الأخر دول بيرمزو لأيه ؟ptmnlo123per118