16-07-2009, 08:45 PM
|
|
من انا؟: مصرى مسلم متزوج وأبو ياسمين و أحمد
التخصص العملى: أخصائى أمراض نساء وتوليد ولكن حاليآ أعمل طبيب طوارىء بمجال البترول ومعى شهادات أميريكية من جوهانسبرج
هواياتي: صيد السمك واصلاح السيارات وأى حاجه بايظه
|
|
تاريخ التسجيل: Apr 2009
الموقع: من المنصورة وعايش بالقاهرة وأعمل بالخبر / السعودية
المشاركات: 2,153
|
|
الرحله المرعبه فى الآجواء المتربه !
توكلت على الله للسفر الى السعوديه للعمل أمس 15/7 و كنت سعيدآ انى ح أسافر على مصر للطيران
بدل طيران السعوديه المرعب بطائراته القديمه MD 90 و التى هى عباره عن ماسوره طويله ضيقه و تنتهى
بجناحين صغيرين أكلتهم القطه عند الذيل و كذلك محركين اثنين فقط تحت الذيل ! ptmnlo123per111
و كمان كنت فرحان انى ح أركب من المطار الجديد الذى بجد هو تحفه و مفخره فى مصر ماعدا طبعا
مليم الملح الشهير اللى مبوظ الطبخه ! يعنى مثلا تدخل معك التذكره الالكترونيه ( الآيميل ) و تجد
ماكينات تشبه ماكينة ال ATM تكتب عليها رقم التذكره الالكترونيه يطلع لك على الشاشه اسمك
و معلومات الرحله و رقم الكرسى و تضغط Enter يطلع لك عنتر ( أقصد التذكره الحقيقيه ) ! و كل
الاجراءات سهله بعد ذلك و مشايات للمسافات الطويله و سيارات كهربائيه لكبار السن و 100 سوق حره
كلها سجائر و خمره و أدوات تجميل و استراحات بالهبل و أماكن تدخين ! ptmnlo123per154 المهم استبشرت خير
و جلست فى Gate 10 و دخلنا الطائره الايرباص فى الميعاد و تمت كل الاجراءات المعتاده فى الطائره
و تم سحبها 10 متر ثم توقفت و فضلت واقفه ساعه و نصف و احنا جالسين و نسأل فيه ايه يقولوا عطل
فى الاتصالات وفى الآخر قالوا لنا ح نغير الطائره حرصآ على سلامتكم ! ptmnlo123per111نزلنا
لقيناهم فاتحين الموتور النفاث الشمال و الآسطى بليه بيلعب فيه ! يانهار اسود ! اتصالات فى الموتور ؟؟
خدتنا الآتوبيسات لطياره أخرى بوينج 737 طراز قديم و حشرونا فيها حشر وجلسنا فيها برده ساعه و نصف
حتى يحضروا الشنط و الآكل من الطياره التانيه ! و أقلعت أخيرآ الساعه واحده الا ربع بدلا من عشره و ربع !
طبعآ الواحد كان على أعصابه ( و أنا اصلا لمابأحبش البوينج موش عارف ليه ؟ ) و الرحله أصلا ساعتين
و نصف لكن الكابتن قال 3 ساعات ! ( اللى يحب النبى يزق ) و قبل 100 كم من مطار الدمام لقيت السماء
صفراء اللون فاقع لونها و موش شايف أرض و شايف الجناح طشاش ! وبأت الطائره فى الاهتزاز ! تذكرت
من قرائتى على النت وجود عاصفه قادمه من العراق ! قلت هى العراق ورايا ورايا ! و صمت الناس اللى
فى الطائره و كأن على رأسهم الطير ! و أنا قعدت أبسمل و أحوقل و أتشاهد و بصراحه الطيار ده يستاهل
السلامه ! قام راشقها فى الآرض و مستموت عليها و الحمدلله ! واسمه كابتن أحمد المصرى !
عموما يبدوا ان العيب ليس فى طيران السعوديه و لكن فى العبد لله ! و طبعا جالى صداع جامد من التنشنه
موش من الخوف ! و أخاف ليه دا أنا مصرى و الكابتن أحمد المصرى و الطياره مصريه بنت ستين ....مصرى !
Dr. Bolbolan ptmnlo123per1 22
|