رد: غير زيت وفلتر مجاناً مع ((ابوغالى))
رغم ان عربيتى مش هيونداى ولا تمت لأبو غالى بصلة إلا انى فعلا بشكرهم مرتين و عندى رجائين
الشكر الأول ــــــ لأن الفكرة دى بتثبت ببساطة انهم مهتمين جدا بعملائهم و رضاهم عليهم و دة طبعا لو حسبنا عدد السيارات الهيونداى فى مصر اللى موديل 2006 فما فوق بإعتبارها من أكثر السيارات مبيعا فى مصر
الشكر الثانى ــــــ إنهم أعلنوا دة بشياكة على منتدى ناجح زى منتدانا و فى خلال 48 ساعة أفتكر مصر كلها هتبقى عرفت
أما الرجاء الأول
فهو لكل وكلاء السيارات فى مصر فى انهم يمشوا على نهج أبو غالى .. يمكن يغيروا أجزاء و لو بسيطة من الصورة اللى ممكن تكون سلبية " و مش لازم يعنى تبقى فى زيت و فلتر " إن شالله حتى تيجى فى السيور أو تربيط العفشة
و الرجاء الثانى
لجميع مالكى هيونداى .... ياريت اللى غير زيت قريب ما يستفيدش من العرض دة و يسيب المكان لإخواته اللى محتاجينه و يدعى ربنا ان " يصيبه الدور " فى العرض الجاى
لكم جزيل الشكر و المودة
|