[ام لوجان]

المشاركة الأصلية كتبت بواسطة Tota El Masry أخواتي الكرام كل عام و أنتم بخير رمضان كريم أولاً: أنا حطق من ناس كثير مش مقدرة لوجي درجة إني جاتلي حالة نفسية كل ما أركبها يجيلي كرمبات في رجلي اليمين السليمة و مش أقدر اسوقها مع إني مقتنعة بيها جداً و شايفة كل عيوبها مميزات أو بطريقة أخرى النصف المملوء من الكوب و بالقانون الإلهي أمر المؤمن كله خير لكن شياطين الأنس و العياذ بالله كثير بتفضل تفطسلك الحاجة لحد ما ترميها و تجري هي بقى و تاخدها بيضة مقشرة و الله أعلم بس بجد خلاص قربت أقول لوجي إللي ما كملتش 300كم فقط للبيع خلاص تقريباً أتحسدت و مش عارفة أعملها إيه حد يدلني بجد ثانياً: كل ما حد يركب العربية يشغل التكييف كأنه ماشافش تكييف في عربية في حياته و لما أطفيه علشان التليين يزعل و يفتكرني بخيلة و خالو مرة كان حيرميني برة عربيتي لأني قللت التكييف و هوا معايا فيها و مش مقتنع بموضوع التليين ثالثاً: مش لاقية تجليد أكصدمات حلو لونه نبيتي أو شفاف عاوزة ألحق أجلد لوجي و ألبسها فستان على العيد بعد الفرش النبيتي في أسود و الأرضية السوداء رابعاً: المفتاح الإيموبيليزر إزاي ممكن يتقلد في لوجي لا قدر الله أنا خايفة من السرقة جداً لأني ناوية أغير السائق فخايفة يكون عمل نسخة من المفتاح لأني سبته معاه مرة هه ماليش دعوة حعيط بجد محتاجة حد يقولي نصيحة لوجه الله و ربنا يجعلها في ميزان حسناته أختكم توتة المصري

عايزة اقولك كل اللى انتى فيه ده علشان خاطر العربية جديدة وانتى خايفة عليها عايزة اطمنك
انا عن نفسى مريت بالفترة دى بس حاولى تشيلى العربية من دماغك علشان تتمتعى بها وماتفكريش كتيرو اشغلى نفسك باى حاجة تانية واتمتعى بالتكيف عادى مش بياثر على العربية لان الماتور فى رينو بيكون متلين جاهز