رد: عروض مركز اتو بينت لتجديد السيارات والتعامل مع شركات التامين
السلام عليكم ياأخوتى الافاضل معلهش انا اتأخرت عليكم شوية ودا لظروف خاصة واحب اطمنكم انى استلمت السيارة من اوتوبنت فى الميعاد المتفق عليه وذلك يوم الجمعة 4/7/2014 وافكركم بيها هى القطة اكسنت 2011 فيرانى وصورها فوق نشرها الاخ اسلام خليفة بتاع اوتوبنت طبعا شوفو الفرق بعد السمكرة بصراحة تسلم ايديهم اتعملت صح الصح ودا بعد ماروحت التوكيل غبور قسم الهياكل اللى فى قليوب وقالولى بالضبط هانقطع ربع الرفرف الخلفى فرفضت وقلت لا تتعمل وهى كده من غير قص ولصق فاقلى المهندس مش فاكر اسمه التكلفة هاتكون كالآتى فك وتركيب اكصدام خلفى 100
جنيه فك وتركيب فوانيس خلفية 75جنيه فك وتركيب فرش الشنطة 75 + مصنعية السمكرة والدوكو 1615 جنيه بضريبة المبيعات والتسليم بعد 3 اسابيع طيب شكراَ ومشيت العن فى ام التوكيل ورحت لأوتوبنت بصراحة مقابلة كويسة ناس محترمة تكلفة السمكرة والدوكو 1300 جنيه هى برضو كتير حبتين بس ارحم من التوكيل آسف طولت عليكم والحمد لله استلمت العربية زى الفل نسيت اقولكم فى التوكيل قالولى هاتسلم العربية بنسبة يعنى استعدال الصاج مش هايبقى 100% المهم الاخ خليفة راجل محترم عارف شغله كويس واشترطت عليه انى أشوف العربية قبل الدوكو يعنى وهى متسمكرة عشان اعرف اللى اتعمل فيها بالظبط وقد كان بس فى حاجة ضايقتنى العربية قعدت بالظبط 6 ايام وكنت مسلمهم العربية وهى عاملة 46621 ك متر استلمت العربية وهى عاملة 46689 ك م ودا اللى زعلنى يعنى كل يوم تقريبا العربية مشيت 11 ك م ولكن امام ماتم عمله فيها مش مهم وتسلم ايديهم جدا جدا
|