رد: عروض مركز اتو بينت لتجديد السيارات والتعامل مع شركات التامين
كويس ان حضرتك قلتلى ان سياسة المكان ان العميل يسيب عربيتة حضرتك تصلحالة بالطريقة بتاعتك وان العميل اللى عايز يتابع عربيتة دة مش سياسة المكان على العموم انا لما روحتلك روحتلك علشان اللى انتا بتقولة ان فى جهاز شفط للصاج عندك واعتقد انى حقى الطبيعى مدام هادفع فلوس انى اشوف الشغل وبعدين انا دورت على كل الموقع انى الاقى حاجة انتا مصورها فيديو او حتى صور بالتفصيل للشغل ملقتش انتا بتحط بس الشغل وهوا بايظ وبعدين بعد التصليح
بالنسبة لمركز نايل موتورز المحترم انا قلتلة انتا بتصلح العتب ازاى وشرحلى بالتفصيل وقالى لو عايز تتابع عربيتك اهلا وسهلا لانة دة حقى ففى فعلا فرق فى المعاملة مش قالى دى حاجة مش فنية ومش مستهالة تتصور
اخيرا لما حضرتك تبقى ليك سياسة للمكان غير كل السمكرية يا ريت تقولها على الموقع من البداية علشان اللى رايحلك يبقى عارف وايضا انا من حقى ان اسال كل سمكرية مصر لو عرفت عن اللى انتا معلنة (جهاز شفط للعتب) مش نايل موتورز بس ودى حاجة اعتقد متزعلكش خالص بدام انتا واثق تماما من اللى انتا بتقولة وعلى العموم اللى هايقرأ المناقشة اللى بينى وبينك هايعرف اكيد الصح اية
اسف على الاطالة وشكرا
|