المشاركة الأصلية كتبت بواسطة MosTafaFox
يا خبر يا جماعة
انتوا ليه بتعملوا فى بعض كده ptmnlo123per184
فكره جامده جدا وربنا يقويك يا استاذ اكسبرت
معلش انا مقدر ظروفك والله بس مجاتش على السؤالين بتوعى انا كمان ptmnlo123per1127
بصفتك تاجر سيارات او قطع غيار اسمحلى اسئلك الاتى
ايه اهم حاجة الواحد ياخد باله منها لما يجى يشترى قطعة غيار
وامتى يشترى جديد ولا استيراد
وايه العربيات اللى قطع غيارها من رايك افضل وارخص ومتوفرة اكتر وايه قطع غيارة مقرفة
وايه العربيات او الماركات اللى قطع غيارها سليمة دائما وايه اللى بتبقى فيها عيوب ومرتجعات اكتر
وايه اكتر ماركات قطع غيارهم مضروبة وبتتقلد
ياريت مكونش تقلت عليك واطمع فى الاجابة الكاملة
|
هههههههه اجابات كامله كمان . ده شكلي هايطلع عنيا لحد بكره هههههههههههptmnlo123per11 27
يا باشا انت نامر .. انا كنت تاجر قطع غيار مستعمله
1- ايه اهم حاجه تاخد بالك منها لما تشتري قطعه غيار ؟ لما تشتري المستعمل تاخد الحاجه علي التجربه .. و تحاول تجيب حاجه تكون حالتها جديده (فيه فرق بين الحاله جديده ... و شكلها عامل زي الجديد) ....دايماُ علي التجربه .. و لو مش عاوز يديك علي التجربه ماتاخدش (ماتروحش تشتريلي مسمارين و تقول له علي التجريه هههههه يعني تبقي حاجه ممكن تطلع بايظه او ماتركبش ..) و من الافضل انك تشرحله الظروف .. يعني انت مثلاُ لو بتركب فتيس مش بتاع العربيه .ز تقوله انا هاعمل كذا كذا و لو ماركبش هاجيبهولك .. لو طلع فيه حاجه يلزمك...
2-انا افضل لو اجيب حاجتي استيراد زز و اجددها لو محتاجه بحاجات جديده .. بتوفر معاك فلوس .. و بتبقي rebuilt... ازاي ؟
خليك مثلاُ محتاج طنابير و مساعدين و يايات قدام ... ماتروحش تجيب كله جديد .. لاء .. انا اجيب ركبتين بتوع موديل اعلي في سعه الموتور (الفرامل بتبقي اكبر) .. امسكهم افكهم .. اكشف عليهم .. المساعد هايطلع حلو هوه و الياي .. يبقي تغير تيل فرامل و طنابير لو احتجت .. كده هايبقي عندك ركبتين مجددين بالكامل .. و في نفس الوقت يبقي معاك فرامل اكبر (احسن) .. و بتبيع اللي عندك مستعمل اللي يحتاج حاجه ياخدها ..
3-بالنسبه للعربيات فانا مابحسبهاش كده .. انا راجل ماسك في البي ام .. انت راجل ماسك في التويوتا .. غيرنا ماسك في الفيات..ز دي مزاجات اكتر من اي حاجه تاني .. كل واحد بيرتاح في مكان ..
4-مافيش عربيه قطع غيارها سليمه دايماُ و كله بيبقي فيه عيوب و مرتجع ... و الا العربيه ماكانتش تنزل قطع غيار ... انا ابيع عربيه جولف 2 في سويسرا تكون سليمه و ماشيه و مترخصه هابيعها احسن مما انزلها قطع غيار هنا .. بتتفك ليه دي بقي كل عربيه و ظروفها ... ممكن تكون عفشتها بايظه ممكن موتور مفوت و ممكن فوانيس مكسوره او حتي حته من العتب ناقصه !
5-بالنسبه لشغل المضروب و الكلام ده فالمضروب في قطع غيار المستعمله المستورده بيبقي قليل .. الكلام ده في قطع غيار الجديد
و دي ميزه الاستيراد