[Devill Blood]

المشاركة الأصلية كتبت بواسطة Injection هحاول أفيدك على قد ما أقدر, بس أعذرنى أنا قاهرى مش منصورى الأسبويلر ده أسهل حاجة, لو رحت لحد بيجيب حاجات أستيراد للانسر مش بعيد تلاقى عنده أسبويلر وكبوت الأيفو للبيع, وهيركبوا عندك بدون مشاكل, بس سعر الأسبويلر لوحده هيبقى حوالى 600 جنيه, وهتلاقى على جروبات الفيس ناس كتير بتبيعه وبتبيع أسبويلرات لانسر, وكمان ممكن تاخد أكصدامات الأيفو تركبها عندك وتعمل العتب عمولة عند واحد بتاع فايبر لو الميزانية مفتوحة. بس طبعا الأيفو وعربيتك لازم يكونوا نفس الموديل, نفس الجيل يعنى. وممكن تفصل أسبويلر مخصوص عند صنايعى فيبر فى الحرفيين, والأسعار بتبدأ من 250 جنيه فيما فوق حسب الشغل المطلوب والمكان, ونفس السعر للكساحات وشغل الأكصدامات. وممكن تجيب أسبويلر جديد, بس هيبقى فى حدود 500 جنيه للحاجات النضيفة شكلا ومضمونا. بالنسبة للفلتر طبعا سهل تركبه وتشتريه لأنه حاليا موجود فى كل حتة, الصينى بيبدأ من 60 جنيه لحد 100, وبيبقى سيموتا تقليد, وده كويس بالنسبة لسعره وكتجربة مبدئية للفلاتر الأسبور. وعندك السيموتا وال k&N الأصلى ودول بيبدأوا من 250 جنيه فيما فوق, ومش هتلاقيهم فى أى حتة, ولازم تشتريهم من تاجر محترم علشان متلبسش فى حاجة مقلدة. والفلتر هيركب على الماسورة اللى جاية من البوابة على طول, ومش هياخد 5 دقائق تركيب, وطرق التركيب كتيرة ومتعددة من التركيب فى علبة الفلتر القديمة على طول, أو خلعها تماما وتركيبه تحت عند الأكصدام, وكل واحد ومزاجه. بخصوص المنطقة اللى فى التابلوه, والله معرفش, بس لو بتتفك وتتركب بسهولة, ممكن تجيبها من على تابلوه لانسر أستيراد أو لانسر حوادث, أو لانسر أستيراد بتتفك, بس متهألى صعب تلاقى حد يديك جزء من التابلوه بس, واحتمال يرضى يبدلها بالجزء اللى معاك, وكل ده طبعا من عند تاجر أستيراد. وممكن تلاقيها بتتباع عند محل كماليات نضيف, بس الله أعلم بصراحة. وربنا يوفقك.

إفادك الله يا أخى
معلومات قيمة جزاك الله خيراومستنى بقية الأخوة