رد: مطلوب كتالوج فيات 125 موديل 80
سلام الله عليكم ورحمته وبركاته
الحمد لله عندى فيات 125 بولندى وكنت ح اغلط و ادخلها فى فيات 128 وادفع فرق لكن ولاد الحلال قالولى مشكلة الـ 128 فى ان الشاسيه بيفتح عند الملفات واى مطب وانت سريع يكسر الشاسيه ويبوظ العفشة وعيوب تانية كتير ده مش موضوعنا .والحمد لله تراجعت
وانا معايا 125 من حوالى 5 سنين بصراحة مقلتشى معايا باصلها ابدا ومصاريفها لا تذكر .
عندى مشكلة احترت فيها مع الميكانيكية ياريت تساعدونى فى حلها
والمشكلة هى انى اسمع صوت وش لما اوصل سرعة 80 ويستمر حتى سرعة 100 ثم يروح بعد سرعة 100 ... المكانيكى قال بلى الدينامو.... غيرت البلى ولسة الوش ... قال قواعد الموتور .غيرت القواعد ولسة الوش..قال بلية طلمبة المياه ..غيرت الطلمبة ولسة الوش..اخيرا قال بلى العجل ..غيرنا البلى ولسة الوش
ياريت الاقى الحل عندكم .. ياريت سرعة الرد لان الوش ده عملى وش فى نافوخى
وشكرا لحســــــــــــن تعاونكم وسعة صدركم..
|