25-07-2012, 04:03 PM
|
 |
|
|
تاريخ التسجيل: Oct 2011
الموقع: egypt-cairo
المشاركات: 769
|
|
رد: •• محتاج كوعة مياة ألومنيا إللي بداخلها ترموستات للـ A620 ••
المشاركة الأصلية كتبت بواسطة حازم فخرى
---
ألف ألف شكر يا Vanditta هي الكوعة نفسها إللي بتسرب
طيب والأرنديد ده مين بيعملوا ميكانيكي ولا خراط ولا مين
ووالأرنديد عبارة عن إيه لو مافيهاش تعب .. ؟؟
بارك الله في عمرك |
الموضوع سهل جدا ياباشا واى ميكانيكى يعملهولك ومش هياخد 20-30 جنية مصنعية بالكتير (دة ممكن حضرتك تعملها بنفسك كمان)
بص ياباشا هو بيفك الافيز
من على الخرطوم اللى داخل على الكوعة وبيفك الخرطوم وطبعا هتحتاج جركن مياة خضراء( لو بتحط مياة خضرا )عشان المياة هتنزل كلها اما تفك الخرطوم
بس ويقوم فاكك الكوعة وهتبقى جواها الترموستات شوفها بالمرة لو عايزة تتغير غيرها
وهياخد الكوعة يصنفرها وينضفها كويس بصنفرة ناعمة
وبتجيبلة انبوبتين ارنديد ب 8 جنية تقريبا
وبيلحم المكان اللى مهرى او اللى بيسرب وللوقاية برضو بيغطى الكوعة كلها بال ارنديد
واهم حاجة تسيب اللحام اما ينشف براحتة خالص لمدة نص ساعة مثلا قبل ما تركب الكوعة تانى (الخطوة دى مهمة جدا عشان الميكانيكى بيستسهل وبيركب على طوول وبيبقى اللحام طرى لسة )
والافضل برضة عشان اللحام دة يمسك كويس انك ماتخرجش بالعربية واركنها واخرج بيها تانى يوم عشان اللحام يعضم كويس وتنسى موضوع الكوعة دة خالص
بس وبتاخد الكوعة تعملها جوان او تشترى بتاع كدة مش فاكر اسمة اية اللى بيتعمل منة الجوانات (اسمة جرنجريد تقريبا) والميكانيكى يعملك منة جوان ويلزق بسيليكون حرارى وتركب الكوعة والخرطوم
وخلاص كدة
وتحت امر حضرتك فى اى استفسار
وبالتوفيق ان شاء الله
|