بسم الله الرحمن الرحيم
ان شاء الله سوف ابداء غدا فى مشروع انتاج الهيدروجين من الماء
بواسطة خلايا الهيدروجين
والحمد لله بعد عمل بحث بسيط عرفنى الاساسيات والمبادءى اللى لازم نبداء بيها
و بعد ما لقيت تعاون كبير جدا من كل من اعرفهم واللى معرفهمش ماديا او عمليا
ووجدت ان اهم مرحلة كيفية انتاج الهيدروجين نفسه
وهنسميها المرحلة الاولى (مرحلة انتاج الهيدروجين)
ومتطلبتها الاتى
1:بطارية سائله
2:الواح ستانلس استيل مضاده للصداء
3:عوازل بلاستيك بين الالواح
4:ماء مقطر
5:بيكنج بودر
6:مصدر للطاقه
طبعا علشان نعمل كل ده لازم يبقى فيه ناس تساعدنى ولازم مصر موتورز كمان تساعدنى بالافكار لان فيه حاجات كتير اوووى واقفه قدامى لسه معرفش هنعمل فيها ايه
وطبعا بدائت رحلة البحث
فكانت كالاتى
1:ذهبت لاسئل عن سعر بطارية مستعمله بايظه بس يكون جسمها سليم الراجل قالى بكره هيبقى فيه عندى وسعرها 60 الى 70 حسب الحالة وحجمها وسألنى انت عاوزها فى ايه قلتله انى علشان اعمل بيها المشروع ده وحاورنى شوية كده قالى خلاص بكره تعالى ونقى اللى تعجبك وخدها ومش عاوز منك فلوس طبعا شكرته جدا ومكنتش مصدق نفسى ان الراجل ده دافع فلوس فى البطاريه وهيضحى بيها كده وبصراحه اعطانى دفعه كبيرة الى الامام وبكره ان شاء الله هروح وهاخد بطارية سائله باذن الله
2:ذهبت للكهربائى( صديقى جدا جدا وانسان بيتقى ربنا جدا وبيحب يغامر فى كل ما هو جديد ومفيد ) وقلتلهعلى المشروع قالى خلاص انا هسعدك فى المشروع ده فى اى شىء يوقف قدامك
3:كان سمعنا راجل واحنا بنتكلم نجيب ماء مقطر منين فقالى انا شغال فى شركة مواد طبيه على ما اعتقد وعندى فى البيت زجاجات ماء مقطر كل واحده سعة 5 ليتر هبقى اجيبلك واحده ولو عاوز تانى ابقى قلى
4:ابن عمى اللى ذكرته قبل كده انه شغال فى الالوميتال هيساعدنى انه هيعملى شرائح ستانلس ستيل بدل شرائح الرصاص اللى موجوده فى البطارية اللى هنرميها طبعا
طبعا ديه الناس اللى هتساعدنى وان محتاج انكم تساعدونى فى بعض الاشياء اللى مش فاهمها الى الان
1:خامة الشرائح اللى المفروض تكون موجوده بداخل الخلية يكون خامتها ايه بمعنى هل ينفع احط بدل الاستانلس استيل شراح الومنيوم او لازم شرائح ستانلس استيل
2:هل هيبقى فى حرارة كبيرة ناتجه عن العملية بحيث انها تسيح البلاستيك بتاع البطارية او لا
3:المفروض يبقى فى عازل بين كل شريحة والاخرة علشان ميحصلش باللغة العامية (قفلة)او تلامس بين الشريحتين هل العازل البلاستيك هيكون سمكه اد ايه و هل هيكون ملاصق تماما للشريحة ام هيكون فى الوسط بين الشريحتين
4:مثلا البطارية هتشيل 50 شريحه معنى ذلك اننا هنقسم الشراح الى النصف يعنى (25 و )25 ونخلى 25 موجب و 25 سالب
ونخلى الشرائح موجب وسالب موجب وسالب
السؤال بقى مثلا الشراح الموجب كلها تبقى تبقى متوصله مع بعض ويطلع الطرف بتاعهم الى الطرف موجب لوحده والشرائح السالب كلهم هيتوصلوا مع بعض وهيطلع الطرف السالب لوحده ويتوصلوا على بطارية سيارة مثلا
هل الطريقة اللى بقولها ديه صحيه ام خاطئه
وفعلا اتمنى من الله عز وجل ان يسهل لنا امرنا وانكم تساعدونى فى المشروع ده وباذن الله هنعمله وعلى فكره فعلا المشروع ده هيغير الحياة 180 درجة بمعنى الكلمه يعنى مش لازم نمشى العربيات بس بالهيدروجين
5:ازاى بقدر اقيس كمية الهيدروجين الخارجه من الخليه
لا ده احنا كمان هنشغل مولدات الكهرباء وهنشغل سخانات المياه و البوتجازات وكل شىء بنتخيلة فى حياتنا بطاقه مجانية
والاهم من مجانية
نظيفة جداااااااااا ناتج الحريق هو الماء ويمكن بعد ذلك اعادة استخدامه مره اخرى
اخوكم فى الله سيد