المشاركة الأصلية كتبت بواسطة zing0
يا جماعة كده الراجل هيحتار أكتر
دلوقتى متطلباته كالتالى:
عربية عائلية و واسعة علشان الأسرة ما شاء الله
تستحمل السفر لأن من كلامه هتمشى مسافات كبيرة إلى حد ما
طبعاً إحنا هنا بنحاول ندل على حاجه مطلوبة فى السوق و قطع غيارها و إصلاحها متوفر, علشان مش ناقصه عذاب.
و كله فى حدود المبلغ المتاح (15000) و طبعاً الحاله الواقعية للعربية إللى هتتكلم أحسن من كل كلامنا
========================= ======
بالنسبة لعربية بالمواصفات إللى فوق
أنا شايف إن اللادا رقم 1, بعديها الـ 128, و هنستبعد الـ 127 لصغر حجمها
الستروين AX و الرينو حلوين بس قطع غيارهم لا تقارن باللادا و الـ 28
و نفس الكلام ينطبق على الدايهاتسو شاريد
بالنسبة للجولف 1 نفس الفكرة, قطع غيار غاليه مع موديل قديم (غالباً فى السبعينات)
الماروتى طبعاً أفضلهم و أحدثهم فى الموديل لولا الحجم, لذلك برضه مش هتنفع.
يبقى الخلاصة يا إما لادا يا 128 علشان يبقى فى فرصة تلاقى حاجه حالتها كويسة و لما تيجى تصرف عليها (و أكيد هتصرف) متبقاش غاليه و مقرفه و تدوخ على حاجتها.
و ربنا يوفقك
|
الف شكر على نصيحتك الغالية يا ريس
بس للاسف حضرتك اخترت ليا عربيتين دمهم تقيل جدا على قلبى ومش متخيل نفسى جوه واحدةفيهم
لو نقدر نتعرف على ميكانيكى شاطر ومحل اواتنين لقطع غيار الرينو او الستروين
يبقى المشكلة اتحلت
انا من الزقازيق
ومشوار مصر ده بالنسبالى سهل مش صعب
وكمان جسر السويس على بعد 50 دقيقة من الزقازيق
بس لسه متردد
ومش قادر انتظر لغاية لما اكبر المبلغ
كل ما احوش حبه تيجى اى ظروف وادفع فيها اللى حوشته
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟