رد: حد جرب رينو فلوانس يفيدنا من تجربته
بص انا معايا فلوانس وظهر لي عيب وهو عند كل الناس بس محدش راضي يقولو مش عارف ليه ؟؟ العربية فيها نتشة عند الغيار من الاول للتاني في الفتيس الاوتوماتيك ومبيظهرش الا بعد ما العربية بتمشي شوية والفتيس يسخن , وفي التوكيل قالولي ان دا موجود في كل الفلوانس وبسبب حساس اسمه " سيلونويد فلف " وغيرهولي مرة واتنين ولسه العيب في العربية, هما بيقولولي وحلفولي ان العربية 100 % سليمة , بس انا شايف انها مزعجة جدا على عربية بالفخامة دي وبالسعر دا خصوصا ان التوكيل قمة الاحترام والتعاون والوضوح وعلى فكرة الموضوع دا قلته لكذا واحد من الناس الي كانت بتروح التوكيل وقالولي انه عندهم بس بيروح مع المدة , بس انا مش مقتنع , وانا شايف انه مابيرحش ولا حاجة الناس هيا الي بتتعود عليه خصوصا لان كل الناس الي بتركب العربية بتحبها .....
العربية اجمالا رائعة بصراحة تصميم ولون وااداء عيوبها اجمالا وبموضوعية الي انا شايف انك تركبيها لو قدرت تتعايش مع العيوب دي
1- عفشة خشنة جدا بس جامدة " ميزة وعيب "
2- تكييف ضعيف نسبيا بالمقارنة بالياباني والكوري
3-مشكلة التنتيشة الي في الفتيس الاوتوماتيك
4-قطع الغيار وسعر اعادة البيع سيئين
غير كدة العربية كلها مميزات
1- شكل 2-فخامة - 3- توكيل محترم 4-مساحات واسعة جدة 5- اوبشنز مميزة وغير موجودة في سيارات كتير ولو موجودة فهي في رينو ليها طعم تاني لان ليهم لمسة فيها
مع احترامى لرأيك انا معايا الفلونس وركبت عربيات كثيره زى الالنترا والتويتا الاوبل البولو ولم اجد هذه العيو ب وبالذات عيب الفتيس اللى انت بتقول عليه ونشفان العفشه راجع مقياس الهواء للعجل يمكن غير مظبوط
|