رد: الرجاء المساعدة بخصوص سيارات المعوقين
يا أخى اللى أنت عوزة كله أقول له لك... عاوز تعرف أول خطوة صح؟
اول خطوة تروح تحجز جالسة وهذا بيكون فى وزارة الصحة الموجودة فى شارع مجلس الشعب. فى باب جانبى فى الحارة وهو بيعمل لك الورق وقدام الباب واحد فاتح مكتب تصوير وبيطلع صور شخصية . فى نوعين من القمومسيون البطئ وهذا بيكون 300 جنية وممكن تنتظر فيه أسابيع أو شهور على حسب عدد المتقدمين فى الوقت اللى هتروح تحجز فيه. وفى كومسيون مستعجل وهذا بيكون 600 جنية وممكن مع السريع دة تخلص وتدخل فى نفس الأسبوع الجلسة. الكل بيعمل مستعجل.
لازم تاخد معاك صورة فتوغرافية ليك وكمان صورة البطاقة الرقم القومى وقلم جاف. أنا نسيت الحاجات دى والحاجات هناك سعرها عالى يعنى ممكن تصور الصورة الضوئية 50 قرش والصورة الفتوغرافية يمكن 4 جنية الواحدة. هتملئ شوية ورق وهيدبس لك الصورة ويقول لك على اليوم اللى تروح تكشف فيه. الكشف بيكون فى مستشفى المنيرة العام وهذا قريب من وزارة الصحة فى وسط البلد... التاكسى هياخد منك 10 جنية لو برتكب التاكسى من موقف أحمد حلمى. أركب التأكسى الأبيض مش الأبيض فى الأسود لان التاكسى الأبيض فى الأسود بيستهبل يعنى هيقول لك 20 جنية وتقعد تفاصل وفى الأخر هيأخد أكتر كثير من التأكسى الأبيض أبو عداد... طبعا لو الأمور كويسة ومفيش مظهرات هتدفع 10 جنية..
أنا متابع معاك
|