المشاركة الأصلية كتبت بواسطة sonson56
فى الحقيقة تقيمى بخصوص السيارة بريليانس اف ار فى موديل 2010 فقط لآن اصدقاءى اللى عندهم موديلات سابقة ما بيشتكوش من اللى انا بلاحظه عندى لأن موديل 2010 تكنولوجيا مختلفة و موتور مختلف .
أداء الموتور سىء حتى بعد صيانة ال 2000 كم و حتى الآن انا مشيت 4000 كم و مافيش تغير ملحوظ و التوكيل عمال يدينى حقن بنج و ما فيش تقدم و تتلخص عيوب الموتور فى الآتى :
1 - الأكسلراتير ( دواسة البنزين ) كهرباء مش سلك و ده بيخللى أداء السيارة و استجابتها بطئ و كذلك عدم حساسية دواسة البنزين في الركن مثلا او لو عايز تركن فى مكان مرتفع قليلا او لو واقف على مطلع زى مدخل جراج من الجراجات العمومية لا تستطيع التحكم فى السيارة علما بانى ممتاز فى قيادة السيارات و بقود سيارات بقالى 40 سنه
2- عند تشغيل التكييف يضعف الموتور بشكل ملحوظ خاصة فى السرعات البطيئة مثل الأول و الثانى
3- السيارة غير موفرة للبنزين على الأطلاق و اللى موجود فى التالوج ده هجس و كذب و دى مش شكوتى انا الوحيد بل قابلت فى التوكيل عدة اشخاص لهم نفس الشكوى و علشان تعوض ضعف الموتور بتضطر تدوس بنزين علشان العربية تسحب معاك و ده بيزود استهلاك البنزين مش بيوفر ولا حاجة و احد اصدقائى اشتكى من ان سيارته نفس الموديل بتعمل 190 كم فى الصفيحة و ده اقل من نصف المكتوب فى الكتالوج - و عند الشكوى فى التوكيل بنسمع كلام فارغ من ناس مؤدبين بس كلام ميأكلش عيش و لا يغير فى الأمر شيئ و يقف التوكيل عاجزا اما حل المشكلة
و اعتقد ان الأسباب اللى كتبتها هى سبب نزول سعر موديل 2010 بقيمة 12000 ج عن موديل 2009 ( طبعا ده شيئ غريب و مش منطقى )
|
شكرررررررررررررررررا
كنت هامشى ورا شكلها و اشتريها
ربنا يعينك عليها
وطبعا صعب الواحد يشترى صينى اوتوماتيك
بس غريبة توكيل البافارية يعمل الحركات دى فى الناس